Jamita Epistel Minggu XVI Dung Trinitatis – 5 Oktober 2025

Na Sun Badia Do Debata Jala Parbinoto Di Saluhutna

(Tuhan Allah Maha Kudus Dan Maha Tahu)

1 Timoteus 6: 11 – 16

 

1.     Patujolo.

Surat on ditujuhon si Paulus tu si Timoteus. Ia si Timoteus ima sisean ni Apostel  Paulus. Diboan si Paulus do si Timoteus di pardalananna manopot angka huria na di Asia na metmet. Dung i, ditadingkon ma si Timoteus di Epesus dohot tugas manorushonn pembinaan tu anga huria na disi, lumobi ma laho mangadopi angka poda haliluon sian angka guru guru sesat. Anggo si Paulus ditorushon do pardalananna tu Makedonia, laho paturehon haporseon ni angka huria a disi. Sian Makedonia do di Surat si Paulus surat on di taon 63. Atik pe bermaksud do ibana naeng tibu mamereng si Timoteus, alai disurat ibana do surat on laho patauhon si Timoteus membina angka huria I dohot mangalo poda haliluon naung sahat tu huria na di si. Sian isi ni surat on idaon nunga dipersiaphon si Paulus si Timoteus laho mengambil alih tugas sian ibana songon generasi penerus laho mamaritahon harajaon ni Debata di bagasan Jesus Kristus.

 

2.     Hatorangan

a)     Ayat 11: dijolo on, dikecam si Paulus do angka guru sesat secara khusus ala holongan rohana di hepeng. Jala dison dipaingot do si Timoteus, alai secara uhum berlaku do sipaingot na i tu sude halak Kristen, asa unang diihuthon angka guru sesat i. Hata “anak ni Debata” marhahonaan do i tu si Timoteus na dijou gabe “naposo ni Debata” (ptds. 5 Musa 33:1; 1 Sam 9:6; 1 Rajaraja 13:1; 17:18). Alai di Padan na Imbaru ( 2 Tim 3:17) hata “halak ni Debata” dipangke do tu sude halak Kristen, ala nasa na porsea, tarjou do gabe naposo ni Debata (ptds. 1 Ptr.2:9). Ia tugas ni halak (naposo) ni Debata; parjolo (secara negative) ima maporus ma sian i, ima sian dosa na holongan rohana di hepeng dohot sian nasa hajahaton songon na niula ni angka guruguru sesat na dipatorang di jolo ni turpuk on. Alai boi do dihonahon i tu nasa dosa secara uhum, na ringkot sipadaoon ni angka na porsea. Paduahon, (secara positip) ima  mamareahi hatigoran, hadaulaton, holong n iroha, habengeton, dohot lambok  n iroha. Hatigoran ima lomo n iroha ni Debata dohot angka patikNa. Hadaulaton (ibadah) ima na hinalomohon ni Debata, ngolu di bagasan haporseaon di hata dohot di pembahenan. Haporseaon (kesetiaan) ima kesetiaan di perjuangan di Harajaon ni Debata. Holong ni roha, i do sifat na utama di ngolu haporseaon. Habengeton (kesabaran) ima ketekunan, ndang hatophatop putus asa. Lambok ni roha, ima hasabaron maradophon halak na asing, olo manalpuhon hahurangan ni halak sian roha.

b)    Ayat 12: jotjot do dipangke si Paulus angka gombaran sian dunia olah raga ( 1 Kor. 9:24-26; Pil.2:16; 3:12-14; 2 Tim.4:7). Perjuangan ni halak Kristen digoari ibana paraloan haporseaon (pertandingan iman), ala haporseaon do na mangalehon gogo tu paraloan i jala haporseaon i do hamoraon na ingkon siramotan ni paraloan i (Ptds. 2 Tim 4:7 “Nunga hupasidung paraloan na denggan i, nunga hupaujung parlojongonki, ramot hubahen haporseaon i.” Paraloan i digoari paraloan na denggan, alai paraloan na asing ndang paraloan na denggan i, tudosanna mangalului laba na so tama, songon na ni ula ni angka guru guru sesat. “Tangkup ma hangoluan na saleleng ni lelengna.” Manangkup hangoluan na saleleng nilelengna songon piala di pertandingan. Alai ndang ala usaha ni jolma hangoluan na saleleng ni lelengna i, ala ni i do umbahen didok: “Ai tu si do ho dijou”. Asi n iroha ni Tuhan i do na manjou jolma tu hangoluan na saleleng nilelengna ( 2 Tes.2:12 “…..Debata, na manjou hamu tu harajaonna dohot hasangaponna i jala mangalehon gogo laho manangkupsa (Ef.3:7, 20). “Jala diparhatopot ho do panindangion na denga di jol oni torop sitindangi”. Pandohan on marhahonaan do tu pandidion ni si Timoteus. Ai di pandidion i dihatindanghon ibana do haporseaonna di jol oni torop sitindangi, jala marpadan do ibana laho mangihuthon Jesus dibagasan hasatiaon. Dipaingot si Paulus do si Timoteus tu pandidionna i di na dijou ibana laho mamasuhi pertandingan iman dohot meraih kehidupan kekal, songon naung dihatindanghonna di jolo ni torop saksi di tingki pandidion i. Hata na tu si Timoteus i marlaku do tu sude halak Kristen. Alai songon dia pasauthon paraloan haporseaon i di ngolu ni marsasahalak asing be do hombar tu tugas panggilanna be.

c)     Ayat 13; “Hupatik ma ho di jol oni Debata, na pangoluhon saluhut.” Dijou si Paulus do Debata dohot Kristus gabe saksi di hata na naeng sidohononna tu si Timoteus. Pandohan i laho mangondolhon pangidoanna tu si Timoteus huhut laho paposhon rohana. Ai Debata do na boi mangalehon ngolu na imbaru ( Rom 6: 4; Ep.2:5) jala na margogoihon ibana di paraloan haporseaon. Asa, ndang porlu lomos roha ni si Timoteus di paraloanna i. “Dohot di jolo ni Kristus Jesus, na manghatindanghon  na denggan di jolo ni Pontius Pilatus. Barani do Jesus manghatindanghon hasintongan di jolo ni Pontius Pilatus so mabiar tu akibat ni panindangionna i. Jesus do tiruan dohot patoguhon si Timoteus, molo manindangi ibana di tongatonga ni paraloan i.

d)    Ayat. 14 : “Radoti  ma Patik i, so marlindang, so hasurahan, paima tarida Tuhanta Jesus Kristus”. Parenta on marhahonaan tu tugas pembinaan jemaat na dipasahat tu si Timoteus, lumobi ma pembinaan haporseaon di tongatonga ni angka ajaran na sesat. “So marlindang, so hasurahan”, lapatanna ndada holan isi ni haporseaon i na ingkon dipertahanhon secara murni, alai diparaloann i ingkon mamangke angka caracara na denggan, na hombar tu hati Nurani na murni. “Paima tarida Tuhanta Jesus Kristus”. Tugas i mansohot dung ro Jesus paduahalihon jala mangido pertanggung jawaban sian sude angka naposoNa.

e)     Ayat 15: “Ai dihajujumpang ni tingkina patar ma Ibana, bahenon ni na martua i. Pargogo sasadasa, Raja ni angka raja, Tuhan ni angka tuan” Digombarhon do dison hamuliaon ni Kristus di haroroNa paduahalihon i. Ia halak ni Debata tudos do i tu halak na bertanding na ingkon mangadopi perjuangan (agonizomai, agon: berjuang hingga menderita-strunggle, fight). Ai torus do torop musunta, naniuluhon sibois, na mamangke halak gabe alatna. Boi do i sian dirinta sandiri, ima angka panggunturi, parpoda haliluon, angka na margoar Kristen alai ndang dope bertobat; boi do i sian duru ni huria, sian parugamo na asing, sian peraturan pamarenta na diskriminatif, sian arta, kenikmatan duniawi, popularitas, dna. Ndada parporangan pardagingon I, alai partondion do. Ala ni I ndang gogo ni botohon manang kecanggihan mesin perang nab oi manghamonanghon i. Aha do ? Ima sinjata partondion (Ef.6:10-18; 2 Kor.10:3-4). Ala ni I, unang loyo, unang mabiar, unang martabuni. Ai parangan ni Kristus Parmonang do hita. Ibana do na martua, Pargogo sasadasa, Raja ni angka raja, Tuhan ni angka tuan, dan Tuhan segala tuan. Tahaburjuhon ma parporanganta i. Kita pasti menang, karena Yesus Sang Pemenang. Marningot tingki na naeng ro i, ndang porlu be mabiar si Timoteus mangadopi angka bahaya dohot ancaman.

f)     Ayat.16: Diondolhon do muse dison hamuliaon ni Debata na mangatasi saluhutna. Masa depan kita terlrtak bukan pada dunia, tetapi pada Allah dan pada kemauan kita berjuang Bersama Allah. Jala asa Manahan hita di parporangan i, taingot ma, tu angka na monang, nunga diparade di hita upa manang piala ima hangoluann salelenglelengna i. Jala ndang holan janji i. Ai di ay.13, dijou si Paulus do Debata Ama dohot Jesus Kristus gabe saksi, paboa tutu situtu do hita halak ni Debata. Ala ni i, unang mabiar, jangan gentar, jangan murtad. Kristus menang, kita pun pasti menang. Jala ditutup do pandohanna dohot pujipujian tu Debata (doksologi). Di huria na parjoloi diujungi do doksologi dohot hata Amen. Jala si Paulus pe dibahen do songon i. Hasangapon dohot hagogoon ni Debata, ima gabe sumber pos ni roha, sumber ni hagogoon laho manghamonanghon paraloan haporseaon.

 

3. Sipahusorhusoron

Ø  Holan Debata ma na tahaposi, unang portibi on dohot hagiotna, hita halak ni Debata ima milik ni Debata, hamba Allah, na ulaonna laho melayani, manghobasi ulaon ni Debata, mangulahon lomo ni roha ni Debata. Siulaonta ndada mengejar dohot memupuk harta. Jala ndada arta i Debatanta.

Ø  Siradotan ni halak ni Debata ima : mampareahi hatigoran, mengejar keadilan, berusaha menjadi orang benar, yang melakukan kehendak Allah. Mangaradoti hadaulaton (beribadah, kesalehan), mambahen sude ngoluna, panghataionna, parangena, parsaoranna songon na marsomba jala gabe sombana tu Debata.

Ø  Haporseaon, kesetiaan, yaitu keteguhan memperjuangkan imannya kepada Yesus, tidak mau murtad atau pindah agama dengan alasan apapun.

Ø  Holong ni roha songon na binahen ni Jesus tu sude jolma. Habengeton, kesabaran, tahan menderita, tidak mudah putus asa. Lambok ni roha, bersikap sabar dan mau mengampuni. Kita harus memiliki kualitas iman yang tinggi. Itulah sebagai tanda bahwa kita manusia Allah.

Ø  Topik ni minggunta mandok: Na Sun Badia Do Debata Jala Parbinoto Di Saluhutna (Tuhan Allah Maha Kudus Dan Maha Tahu). Ala na tinompa ni Debata do hita, jala diboto Ibana do kemampuan, nang hagaleonta, ala ni i parbinoto do Debata di saluhutNa. Panjouon ni Debata tu hit ana porsea asa mangolu dibagasan habadiaon, ala nabadia do Debatanta i. Hidup kudus adalah panggilan bagi Tuhan kita. Kata “kudus” dalam bahasa Ibrani 'qadosy' atau dalam bahasa Yunani 'hagios', artinya dipisahkan, dikhususkan atau terpotong dari. berarti suci, murni, tidak bercela. Hidup kudus berarti setiap orang percaya dipisahkan dari dunia ini untuk Tuhan. Tuhan menghendaki agar kita kudus dalam segala hidup kita baik perkataan, perbuatan kita sehari-hari. Meskipun kehidupan di dunia ini banyak godaan untuk membuat kita terjerumus dalam dosa dan kejahatan, namun melalui Yesus Kristus kita telah ditebus dan dihapuskan dari pencemaran dunia ini. Ala ni  tahaposi ma Debata di paraloan haporseaon. PargogoanNa ma hita manaluhon roha ni haportibi on on jala manghatindanghon hasintongan dibagasan habengeton. Ala asi ni rohaNa i jaloonta ma hangoluan na manongtong i dibagasan Jesus Kristus. Amen.

Jamita Evangelium Minggu XV Dung Trinitatis – 28 September 2025 (Minggu ekologi)

Sude Ditompa Marhite Kristus

(Segala Sesuatu Diciptakan Didalam Kristus)

Kolose 1 : 15 – 20

 

I.  Patujolo

Arga do panghophopon ni Debata tu portibi on i ma marhitehite Jesus Kristus. Nunga pola mate Ibana di dolok Golgata laho pasaehon saluhut dosanta. Ibana do Anak ni Debata na mamorsan dosa ni portibi on. Ala ni dapotan hangoluan salelenglelengna do halak na marhatopothon Jesus mual ni haluaon ( Joh. 3: 16). Pangantusion na songon i do pinatorang ni apostel Paulus tu huria Kolose di turpuk on laho mangadopi angka ajaran sesat (parpoda haliluon) na ro tu huria Kolose. Poda haliluon on nunga mengganggu haporseaon ni ruas nihuria, so diboto be dia na sintong dia na sala, ai godang do i na manait roha jala na berbau filsafat na digemari uju i. Ajaran palsu on mandok paboa holan marhite patik (taurat) ni Jahudi do dapot haluaon gabe ingkon radotan ma aturan taringot tu sipanganon, siinumon, ari raya, sabat dohot na asing. Taringot tu Jesus i didok nasida, ia Jesus i holan sipalua ni tondi (jiwa) ni jolma do, ndang dohot paluahon sandok hadirion ni jolma i. Ra nunga mulai ro bibit ni ajaran ni aliran Gnostik uju i, ima na mandok, ia Jesus i holan jolma na somal do i, na sarupa dohot angka na asing na mengantarai jolma tu Debata. Tung mansai toru do dibahen nasida “keberadaaan” ni Tuhan Jesus. Ala ni angka poda na lipe i ma, ro do si Epafras, ra na pajongjong huria di Kolose, paboahon na masa i tu si Paulus laho manjalo pangajarion. Gabe ditongos si Paulus ma surat on dalanna mangalehon poda na sintong huhut patoguhon roha ni huria i maniop na sintong i.

 

II.   Hatorangan

Dibagasan turpuk on ma di patorang tangkas taringot tu Tuhan Jesus, gabe tarida ma keunggulan ni Jesus sian jolma dohot debata na asing, ima:

a)     Ayat 15: Jesus do suman ni Debata. Molo didok suman ni Debata na marlapatan do i dibagasan Jesus ma hita mananda Debata. Molo di tingki Padan na Robi dipatuduhon do Debata na so tardungdung (transenden), alai di bagasan hadirion ni Jesus gabe rap Debata dohot jolma (immanen). Jumpang hita do pangantusion si songon on nang di tangiang ni ruas siganup ari na mandok : “Ale Tuhan Debata na di Banuaginjang, di Banuaginjang pe Ho (transenden), alai jonok do Ho di angka na manou GoarMu (immanen)”. Dipatuduuhon i do naung diumpat parholangan ni jolma dohot Debata. Na mangihut didok muse: “Ibana do patujolo ni nasa na tinompa.” Andorang so ojak dope portibi on nunga ditodo Debata AnakNa Jesus Kristus. Di bagasan Debata nunga mian Jesus, ai AnakNa do Ibana. I ma patuduhon hajongjongan ni Jesus Kristus dang dos dohot na tinompa. Dia bukan mahklauk ciptaan, na dos dohot surusuruan, songon natinuduhon ni angka parfilsafat Junani. Sude na adong di Debata adong do di Jesus (Pil.2:6 Atik pe rupa ni Debata di Ibana, ndada songon na nidobo dirajumi rohana tudosna i tu Debata). Ibana do digoari Anak ni Debata. Di Mateus 3: 17 On do Anakku, Haholongan i; halomoan ni rohangku do Ibana!. Jala di Joh.14:11 didok muse: “Porsea ma hamu di Ahu: Di bagasan Ama i do Ahu jala di bagasan Ahu do Ama i; molo so i, ala ni angka ulaon i ma hamu porsea!”

b)    Ayat 16: Dibagasan Ibana do ditompa saluhut. Lapatanna sahadirion do Debata dohot Jesus Kristus dibagasan pangantusion Trinitatis di ulaon panompaon i, Jesus do parhitean ni Debata. Marhitehite Jesus i naeng tarida ulaon dohot huaso ni Debata sitompa saluhut. Ndang adong sian naung tinompa i na so sian pamotoan ni Jesus Kristus. Jala di Johannes 1: 1 +14 didok paboa Jesus i nunga adong di mula ni mulana, jala Ibana do Hata i. Marhite Ibana, Hata ni Debata do ditompa saluhut na adong. Na tarida dohot na so tarida. Na tarida marhite pemerngan portibi on dohot na so tarida dope. Dipatuduhon i do paboa godang dope sian na tinompa ni Debata na so tarida di pamerenganta, alai saluhutna patar do ianggo di adopan ni Tuhanta Jesus Kristus. Jala ndang adong na manjadi na tinompa i ianggo so marhite sian Ibana (pat. 1 Kor.8:6)

c)     Ayat 17: Jesus dijolo ni saluhut: Marhite pandohan i dipatuduuhon i do paboa Ibana do bonana dohot ujungna (alpa dohot omega). Ibana na marhuaso padomuhon nasa na tinompa dohot Debata. Ndang adong na asing na boi mangula ulaon i. Ibana do dijolo, asa ndang adong sian nasa na tinompa i na patut pajolohon dirina di adopan ni Debata, na mangetong dirina jumago sian donganna. Dipatujolo Debata Ibana asa boi padomuhon (memperdamaikan), manogu angka na tinompa i tu Debata.

d)    Ayat 18: Jesus do ulu ni Huria. Huria ima hataridaan ni daging/pamatang ni Kristus di tano on. Boi do antusanta pandohan on molo tajaha 1 Korintus 3:11 “Jesus do ulu dohot ojahan ni Huria ni Debata na adong di tano on”. Dipatangkas Apostel Paulus do muse di 1 Korintus 12:12-24 hasadaon ni huria i songon hasadaon ni pamatang nijolma, di ragam ni angka ulaonna be, alai sada do ianggo ulu i. Asa ndang patut jolma pajongjonghon dirina gabe dasor ni huria, nang pe tahaporseai do na dipangke Debata do jolma gabe ulaula ni Debata di tongatonga ni huria i sandiri. Dipapungu do huria i ndada holan sian sada marga manang kelompok, alai sian sude bangso, houm, marga ni sandok portibi on, termasuk ma haak Kolose (ay.21-22). Dipasada ma sude halak, bangso, marga na marragamragam i gabe sada songon pamatang ni Kristus ( 1 Kor.12:27; 1 Kor.10:17; 12:12,20). I do na taokuhon di Konfessi HKBP Bindu 8 na mandok: Ia huria, ima parpunguan ni halak na porsea di Jesus Kristus. Molo didok “Jesus Ulu ni Huria”, marlaptan, hita do pamatangNa jala ndang tarsirang Kristus I sian huria i. Ibana do parjolo hehe sian angka naung monding i. Berarti: berbicara tentang Kristus adalah berbicara tentang kehidupan, bukan tentang kematian. Ndang hamatean be ujung ni pardalanan ni jolma, alai hamatean i nunga ditaluhon Jesus marhite haheheonna sian na mate. Laos dipatuduhon ima paboa hamatean ni daging ndang sihabiaran ni angka na porsea. Alai gabe sada dalan do i manopot na manongtong i songon na nidok ni Apostel Paulus di 1 Korint 15: 45-50 “Saluhut angka na porsea ndang marujung dihamatean, alai di haheheon do.”

e)     Ayat 19: Jesus do nampuna hagogoon: Dibagasan huaso ha-DebataonNa i do hagogoonNa, mangatasi nasa hagogoon na adong di portibi on. Dibagasan hadirion ni Jesus do tarida hagogoon sian nasa hagogoon. Manuanhon pos ni roha do i tu angka na porsea. Di ragam ni huaso hagogoon na adong di portibi on na mambahen halak Kristen mabiar, alai adong do na sun hinagogo na tuk mangurupi, ima Jesus Kristus.

f)     Ayat 20: Jesus do pardengganan. Mulai sian padan na robi, dung mardosa jolma, nunga adong holangholang dohot Debata na sun badia i. Dipillit Debata  do angka jolma na gabe ulaulaNa padomuhon jolma dohot Debata. Adong panurirang, malim dohot angka raja. Alai ndang singkop ala hot do jolma  di hadosanna. Alai dipasingkop do i marhite haroro ni Jesus Kristus. Laho pasaehon dosa ni jolma. Jesus ma na ingkon mate di hau na pinarsilang di dolok Golgata laho patupa pardengganan (Rom 3:25; 5:11; 1 Joh.2:2; 4:10). Ala ni i ma, uju mate Jesus, maribak do hirehire na di bagas joro i, ima simbol naung mulak mardomu hita tu Debata marhite Jesus Kristus. I do ala barani Jesus mandok di Johannes 14: 6 “Ahu do dalan i dohot hasintongan dohot hangoluan. Ndang adong na sahat tu Ama i, ia so marhite sian Ahu.”Alani i jumpang do pardengganan dohot Debata di angka jolma na tangkas manghaporseai Jesus naung mate jala hehe sian na mate.

 

III. Sipahusorhusoron

1)    Disosohon tu huria Kolose nang tu hita asa hot jala ojak marhaporseon na togu di poda na sintong taringot tu Jesus Kristus. Unang olo di paotooto manang aha pe, ala ni i tarjou do huria laho marmahani, manjamothon dohot manangianghon ruas ni huria asa unang adong na manimbil sian pangantusion na so sintong di Hata ni Debata tarlumobi panandaon tu Jesus Kristus.

2)    Naeng ma parbuehononta di ngolunta lapatan ni naung sintong hita porsea tu Debata Ama, Anak dohot Tondi Parbadia. Ndang adong sipangasahononta nda holan Debata pargogo na so hatudosan i do. Ibana do tahaposi jala tahaporseai pasingkophon na ringkot di ngolunta. Ai ndang adong na so tarpatupa Debata (Luk.1:37).

3)    Tuhan Jesus do Anak ni Debata naung ro tu portibi on. Ibana do parhitean ni Debata laho patupahon haluaon ni jolma di portibi on. Marhite Jesus Kristus na tongtong do mangula Debata nang Tondi Parbadia laho mandongani dohot mamasumasu ngolu ni hita manisia. Ido nanaeng tangkas hatindanghononta di adopan ni Debata. Unang be ganggu hita di haluaon na binoan ni Debata marhite Jesus Kristus.

“Ai sada do Debata, jala sada do nang Pangulu ni Debata dohot jolma, i ma jolma Kristus Jesus i. Dilehon do dirina, bahen tobus humongkop saluhut, i ma sihatindangkononhon di tingki hadenggananna.” ( 1 Tim.2:5-6).

4)    Topik ni Minggunta mandok: “Sude Ditompa Marhite Kristus” (Segala Sesuatu Diciptakan Didalam Kristus) jala domu tu Minggu Ekologi, taringot tusi didok do di Konfessi HKBP 1996 bindu 5 Kebudayaan Lingkungan Hidup No 2, Tahaporseai jala tahatindanghon do : Ulaon ni Jesus Kristus paluahon jolma i, nasa na tinompa i songon i portibion sandiri (Kol. 1: 15 20; Rom 8: 19 - 33). Marhite on : Tahatindanghon do tanggungjawab ni jolma pangoluhon sude na tinompa ni Debata (melestarikan) asa boi ibana mangula, hipas, dohot marsonangsonang (sejahtera). Psalm 8: 4 - 10. Taalo do angka usaho na manegai lingkungan marhite na manutungi dohot manabai hau di tombak manang harangan (5 Musa 20: 19 - 20). Taalo do angka usaho na mangalitohi aek dohot awang-awang (udara) nang aek panirisan (limbah) na marisi rasun sian angka pabrik-pabrik, marhite na so manganturehon halalaho ni aek panirisan i dohot pencemaran udara, pola gabe manegai aek siinumon dohot parhosaon ni jolma (polusi/pencemaran lingkungan), paheba Psalm 104: 1 - 23; Pangungk. 22: 1 - 2. Ala ni i di Minggu Ekologi on tasosoi ma ruas ni hurianta laho mangaramoti angka na tinompa ni Kristus. Amen.

Jamita Epistel Minggu XV Dung Trinitatis – 28 September 2025 (Minggu ekologi)

Sude Ditompa Marhite Kristus

(Segala Sesuatu Diciptakan Didalam Kristus)

Psalmen 148: 1 – 14

 

1.     Huria ni Tuhanta na hinaholongan dibagasan Jesus Kristus, lima nindu parpudi di buku psalmen on ma hira puncak ni sude buku Psalmen. Molo tauji tabayangkon na nidok ni turpuk on, jala tapaihut muse tu Psalm 150, dihehei jala dihara parpsalmen i do sandok portibi on asa masiboan alat musikna be laho mamuji Debata….asa rap marende. Sude na adong di ginjang ima: surusuruan dohot paranganna, mataniari, bulan, langit, aek na di langit dohot na di laut; dohot sude  na di tano on ima; binatang laut, ular naga, samudera raya, api, hujan es, salju, kabut, habahaba, dolok, robean, sude hau, binatang liar, gulomit, dohot pidong na habang. Jala di turpuk on dijou asa nang sude angka raja, bangso, pembesar, pamarenta, sude dolidoli, na marbaju, natuatua sahat tu naposo, sude dijou, dihara, dipahehe asa rap marende mamuji Debata. Luar biasa …

2.     Ido na nidok ni si Calvin, ama ni huria i: “dunia ini ibarat suatu Theatron Gloriae Dei”, atau “sebuah panggung untuk kemuliaan Tuhan”. Nasa na tinompa ingon mamuji Debata, songon alusna tu pambahenan ni Debata. Alai jotjot do ndang tabege jala ndang tasadari be ende ni na tiompa i. Hape molo hehe hita manogotna i, pintor marende do angka pidong, manuk manang sese paboahon naung ro ari na imbaru. Angka binatang di robean pe pintor marlas ni roha do. Molo tabege soara ni ombak ni laut, gabe sada ende na uli do i, na masiaduaduan, jala jotjot do i gabe inspirasi di angka komponis na tarbarita laho menggubah ende na uli. Disi ro mataniari pintor mangerbang do angka bunga paruarhon angurna. Molo tapahohom dirinta di toru ni hau na potpot na godang di tombak, begeonta do soarana songon na marende, marhusip, berdesir, semilir diombus alogo. Molo ro borngin, molo tapahohom dirinta, begeonta do soara ni angka binatang hutan, kelelawar, nang angka gulomit pe songon ende na uli. Taida do nang hinauli ni bulan dohot angka binatang di langitan i. Sudena i, gabe ende ni angka natinompa i, na gabe pamujionna tu Sitompa ibana. Molo sai tapamanat angka i, tutu situtu ma hilalaonta, ia portibi on ima Panggung Kemuliaan Tuhan. Alai, ala kesibukan ni jolma, ala godang ni angka soara na tabege, isara ni soara ni halak na asing, soaranta sandiri, soara ni ekonomi, soara ni politik, soara ni karejo, soara ni angka ugamo, soara ni angka adat, ianangkon, sipanganon, parabiton, dohot lan soara na asing dope, jotjot gabe so tabege be soara pamujion ni angka na tinompa i. Hita pe, gabe so tahilala be hinauli ni pamujion nasida i.

3.     Huria ni Tuhanta, sian dia do haruar ende pujipujian? Ima sian roha mauliate. Sian dia do ro roha mauliate ? Ima sian panghalonganghonon, dari sebuah kekaguman. Sian dia do ro kekaguman ? ima sian roha na olo mamilangmilangi na binahen ni Debata. Ima na masa jala pinatupa ni si Psalmen on:

Ø  Parjolo, marende do ibana mamuji Debata, ala dihatindanghon jala dihalonganghon ibana, paboa sandok portibi on, termasuk ahu dohot na adong di ahu, tung na tinompa ni Debata do i, ai Ibana do mandokhon gabe tartompa ma saluhut (ay.5b). Molo tauji mangarimangi natinompa ni Debata, pasti longang, pasti terkagumkagum do hita. Molo tabereng parhusoran ni mataniari di arianna, bulan di bodarina, haroro ni udan di tingkina, adong musim panas, musim dingin, na patubuhon suansuanan gabe adong kehidupan. Diatur Debata do saluhutna i gabe berkesinambungan. Ekosistem na denggan nabinahen ni Debata, i do menjamin kelangsungan hidup ni sude na mangolu (ay.6). Ditompa Debata do suansuanan, na mangalehon hosa tu jolma. Dilehon suansuanan dohot pinahan, naboi panganon  ni jolma. Ditompa do jolma na manjagahon asa mangolu angka na tinompa. Adong logo ni ari, adong muse ari parudan na mambahen tubu angka boni jala marparbue angka suansuanan. Dipaojak do angka na tinompa di ingananna be, asa teratur. Marhusor do portibi (bumi) secara konstan mambahen adong ari minggu, bulan dohot taon. Sude planet dipahundul di ingananna be, huhut marhusor mangihuthon natinontuhon ni Debata gabe ndang masiantuhan (ay.6b). Molo tapamanat tahe pamatangta sandiri; pamatangta on terdiri dari berjuta-juta sel, urat syaraf, otot dohot organ na marmansammansam, alai ditata, diatur Tuhanta do i sedemikian rupa gabe pamatang na mambahen hita boi mangolu dohot denggan jala hipas. Molo dipasorang Debata angka dakdanak tu portibi on marhite angka keluarga, dung hirahira sia bulan ditonun Debata posoposo i di bortian ni inangna, itu sebuah keajaiban, bukan ? Ala ni, naeng nian ganup hita sai mangendehon endenta i: “O Debata, tung longang do rohangku, molo hubereng natinompaMi”. Saluhut Bintang, hilap dohot ronggur, manghatindanghhon hadangaponmi”. Molo dung songon i antong, ingkon lam gogo ma endehononta: “Marende au, Tuhan mamuji Ho. O Debata, sangap do Ho” (BE.569).

Ø  Paduahon, marende do ibana mamuji Jahowa, ai sasada goarNa i do na timbul, diatasi hamuliaonNa i do tano on dohot angka  langit (ay.13). Ndang adong Debata na asing na songon Ibana. Mamujung do Debatanta i. Tung so adong do na boi patudoson tu Ibana ( 2 Musa 15:11). I do ala pola didok tu ganup jolma, asa unang adong na mambahen marangkup Debatanta. Molo olo hita marsomba tu angka debata dohot tu hagogoon na asing, ndang taokui be na mamujung do Debatanta i di hamuliaonNa. Ala ni i, haotoon do molo sai adong dope na olo porsea tu hagogoon na asing tarlobi molo olo dope porsea tu ulaon haholomon, tu datu pangulpuk, ajimat, sumangot, dna.

Ø  Patoluhon. Na rumingkot dope, marende do ibana mamuji Debata ala dipatimbul Debata do sada tanduk di bangsoNa (ay.14). Tung dipapulik Debata do bangsoNa i gabe bangso na gogo, na bolon jala na disegani angka bangso na asing (jaha Rom 9: 4). Ndang olat ni i, dibagasan Jesus Kristus AnakNa i, diparade Debata do tanduk haluaon tu sandok na porsea (Pat.Luk.1:69).

4.     Huria ni Tuhanta topik na sahat tu hita di minggu on ima; Sude Ditompa Marhite Kristus (Segala Sesuatu Diciptakan Didalam Kristus). Tahamuliatehon ma angka jadijadian ni Debata, unang ma tasegai, tasursari, alai songon mahkluk na tertinggi hita di tompa Debata dilehon do di hita mandat imagodei; sagombaran dohot Debata laho manjaga angka na tinompaNa. Naung dilehon do hita haimbaruon sian na robi i marhite Jesus Kristus, ala ni i marngolu na imbaru ma hita na manghaholongi angka na tinompa ni Debata. Ai marhite angka natinompana i do boi hita tarpasupasu jala mangolu di portibi on. Debata paloashon hita mengelola jala mamparhasseang sude na di lingkungan, alam sekitar gabe pasupasu dihita. Ala ni i topet di Minggu Ekologi on, disosoi do hita asa manjagahon kelestarian dohot keseimbangan ekosistem, mencegah polusi, pencemaran, pembuangan sampah sembarangan, paias pekarangan jabunta, perkantoranta, ingan parkarejoanta, jala pargodungon garejanta. Lam so marroha be na deba jolma holan laho mengeksploitassi alam so padohot melestarikan lingkungan. Ala ni molo marsoara nuaeng hita asa pro kehidupan bukan pro kematian. Tatulak ma angka usaha na laho manegai lingkungan alam sekitar dohot potensi na manegai ekosistem di laut, di darat, di dolok nang di dia pe isarana TPL (Toba Pulb Lestari, PT Dairi Prima Mineral (DPM), PLTU Pangkalan Susu, tambang (nikel, emas, silika), tekstil (rayon), dan beberapa pembangkit listrik tenaga uap (PLTU), seperti PT. Kallista Alam, PT. RUM, PT. Pajitex, dan proyek nikel raksasa di Maluku Utara (IWIP). Kerusakan yang terjadi meliputi pencemaran udara, air, dan tanah melalui pembuangan limbah, serta deforestasi dan kerusakan ekosistem.. Haluaon na binoan ni Kristus ima haluaon  ndang holan tu jolma alai dohot do mampanghorhon haluaon tu portibi on asa lam tu dengganna jala gabe pasupasu tu portibi on. Amen.

Jamita Evangelium Minggu XIV Dung Trinitatis – 21 September 2025

Debata Paimbaruhon Ngolu Ni BangsoNa

(Tuhan Memulihkan UmatNya)

Amos 9: 11 – 15

 

1.     Huria ni Tuhanta na hinaholongan dibagasan Jesus Kristus, dilehon Debata do pangungkapon tu sada jolma na porsea na manangihon jala marsihohot di Ibana. Na marlapatan do pangungkapon laho patoranghon na naeng masa tu tingki na naeng ro di parngoluon ni sada bangso manang taringot tu portibi on. Basabasa jala silehonlehon ni Debata sambing do i ia pangungkapon. Ndada masa i holan alani pangidoan ni jolma sambaing. Pangungkapon na patoluhon na masa tu panurirang Amos domu do i tu parsorion ni bangso i uju panggomgomi ni Raja Jerobeam. Turpuk on ma na parpudi di Buku ni si Amos na manringoti padan haluaon dohot paimbaruhon na dibahen Debata tu tongatonga bangsoNa. Ro do rimas ni Debat jala diuhum do bangsona na mardosa i. Alai ndada holan na manguhum Debaa, molo tung pe dipasahat Ibana uhuman i ima tanda ni holongNa tu bangsoNa. Jala na pasti paluaonNa do nasida jala paimbaruhon, ala impola ni panguhuman i ima laho paimbaruhon huhut laho paluahon.

2.     (ay.11-12); Pandaoni na parjolo ima mandaoni harajaon ni Daud manang Israel (11). Musu ni Israel ima bangso edom naung parjolo dilengsehon si Daud, alai hehe  muse marhuraja, jala dipudian ni ari muse dilengsehon do (12). Dibuhai si Amos do dohot pandohan “di ari na sasada i” jala di ay.13 didok; “na ro do sogot angka ari”. On ma pandohan na dipangke angka panurirang laho paboahon haroro ni partingkian ni Mesias. Jala pandohan i pe laho paboahon angka na naeng masa andorang so mamuhai partingkian na imbaru uju ro Mesias i mamboan hamonangan dohot haluaon. Jadi pandohan ni si amos on mandok naung jonok ne nama tingkina uju ro Tuhan i laho paulihon harajaon i. Pandohan “pajongjjongonhu” ima na marlapatan dipauli muse, dipahehe muse. Harajaon i digombarhon do songon “undungundung ni si Daud”. Harajaon i ndang digombarhon songon bagasjoro ni si Daud manang harajaon ni si Daud na tongam i. Nuaeng, harajaoni digombarhon songon undungundung naung malengse jala sega. Harajaon i ndandg marlapatan be jala ndang mararti ala kondisi naung gale jala ndang margogo. Bangso naung madabu jala malengse i naeng paulihon ni Jahowa. Harajaon i dipajongjong muse songon na uju i. Hamulian ni harajaon i sai ro do muse jala pinajongjong dibagasan hamuliaon uju di Harajaon ni si Daud.

3.     Na mangihut muse, (ay.12);Asa nasida manean pasipasi ni Edom dohot saluhut bangso parbegu angka na targoar tu goarhu, ninna Jahowa, na pasauthon songon i. Harajaon ni Daud dipajongjong do muse di ari i jala harajaon na dipauli i muse sahat manghaliangi angka pasipasini Edom jala manggomgomi angka bangso na asing. Sian Sejarah historis ia bangso Edom ima musu ni bangso Israel. Alai dunkon dipauli Debata laho pajongjong harajaon i, sai adong ma bangso na maralo na gabe musu nasida. Ingkon paimahon bangso Israel do andigan sogot nasida gabe sada bangso na bolon asa unduk nasa bangso tu nasida. Disuriranghon si Amos do hamubaon ni angka bangso asa saluhut bangso manjou goar ni Debata. Saluhut bangso Debata do nampunasa jala nasida saluhut unduk tu Ibana. Sifat  nang karakter ni Debata ingkon tarida ma di angka nasida. Manaluhon dohot menguasai Edom ndang holan bersifat militer, alai pasadahon partondion tu Harajaon Daud na dipaimbaru.

4.     Ay.13-14 manggombarhon hadumaon ni harajaon i na gok angka hasil ni pangulaon na berlimpah. Molo tung pe naung disurirangkon haraparon dohot na na marsik tano na naeng masa (4:6-8), alai sain a ro ma pandumaan, ima masa ni Mesias na imbaru pasahathon tu nasida pandumaan jala paulihon, paimbaruhon nasida. On ma padan ni Debata tu si Musa na tarsurat di 5 Musa 30: 1 – 3. Dungkon masa pangalaosion ni bangso Israel dohot panguhuman masa tu nasida, paulihon Debata do harjaon i muse.

5.     Na parpudi di ay.15 manggombarhon harajaon dohot padan na manongtong. Suanhonon ni Debata sogot bangsoNa I jala ndang si umpaton nasida. Hasesaan ni Debata do bangso Israel na hot permanen jala angka pasupasu na I sain a ro do torus sian Debata. Pandaonan dohot angka pasupasu ni padan naung dipasahat songon padan na so bersyarat. Na disuanhn Debata do nasida jala ndang umpaton, manggombarhon hagogok ni padan di tano na naung dilehon Debata tu si Abraham. Hape marbalik do sude naung di pasahat si Amos di nbindu 5: 2, disi didok naung madabu do bangso I jala ndang hea be dipahehe. Alai di ari na naeng ro, pandaonan na masa ia Harajaon I ndang hea be malengse.

6.     Huria  ni Tuhanta topik ni minggunta mandok: Debata Paimbaruhon Ngolu Ni BangsoNa (Tuhan Memulihkan UmatNya) jotjot do hita songon bangso Israel i ndang satia jala ndang ingot di denggan basaNa. Hape molo ingot do bangso Israel di 1- 5 Musa (Kejadian-Ulangan) ima kitab Pentateuch na somal diguruhon dohot dipaingotingot tu angka pinompar Israel taringot tu Sejarah ni ompu nasida na dipalua Debata sian parhatobanon Misir dipatongon tu jampalan na lomak ima tano Kanaan, tontu ndang manimbil nasida sian Debata Jahowa. Alai ala dihalupahon nasida Sejarah keselamatan ni Debat tu ompunasida gabe marlomolomo ma nasida jala gabe mangalaosi uhum nang patik ni Debata pola do ingkon dapotan uhuman nasida. Alai mauliate ma tadok tu Tuhan Debata nang pe diuhum bangsoNa sai dilehon do dalan pauliulihon. Panguhuman songon sada dalan laho pulihon. Ima songon panopa hudon i, dibukbahi do tano liat (tano mera) i asa laho membentuk sada hudon na uli jala marguna (menjadi bejana yang berguna). Laos songon i ma panghilalaan nang na taalami songon angka siihuthon Kristus, loas ma Debata manopa ho, nang pe sipata songon na tarbuang hita, diuhum Debata hita, alai lapati ma panguhuman i laho papitahon, memurnikan, paimbaruhon ngolunta asa lam uli jala tama hita diadopan ni Debata. Nunga ditanggung jala di porsan Jesus Kristus sude partinaonanta i di hau silang i. Nunga mate jala hehe Jesus i manaluhon hamamatenta. Ala ni tajalo jala tajanghon ma Jesus Kristus i na manguluhon pardalanan ni ngolunta; laho manaon hamaolon, hahasiton, pardangolan, parsorion ni ngolu asa tartaon hita sude i. Jala marhite ima dipaimbaru hita, dipulihkan gabe jolma na satia, jala unduk tu hata nang patik ni Debata. Sai ungkap do roha ni Debata laho manjanghon hamumulakta manundalhon dosa dohot pangalaosionta tu ampuanNa i. Songon anak na mago i, ala dipansuasaehon do sude na diibana i, jala gabe mago ma. Alai ndang maila ibana mulak tu amana, marningot naung rade do sude di amana i hasonangan las n iroha, jala dipaimaima amana i do hamumulakna. Dung mulak di haol jala dilehon angka na ummarga dipangke jala rap mangan marlas ni roha ala nunga marngolu na imbaru  ibana. Laos songon i ma hita, mulak ma tu Ibana ai na rade do Tuhanta Jesus i paimahon haroronta jala marlas ni roha. Amen.

Jamita Epistel Minggu XIV Dung Trinitatis – 21 September 2025

Debata Paimbaruhon Ngolu Ni BangsoNa

(Tuhan Memulihkan UmatNya)

Mateus 6: 25 – 34

 

1.     Huria ni Tuhanta na hinaholongan dibagasan Jesus Kristus, na rap mamboto do hita keadaan ni negaranta on na parpudi. Na so pos be roha ni rakyat Indonesia on marnida angka kebijakan ni panggomgomi na so berpihak be tu rakyat, godang angka aturan pajak na naeng sipamasaon, hape angka pejabat dipanangkok balanjona mansai timbo. Godang do masa di angka daerah mambahen kebijakan gabe manghorhon rimas na masigorgor di roha ni Masyarakat. Jala marhite media sosial lam tarbarita ma sangkap pamasaon demonstrasi di piga piga luat di negaranta on. Na masa i mambahen lomos do roha, godang angka inganan na ditutung dohot korban jiwa. Barita i mamboan holso manang kekhawatiran, na naeng tarulang ma songon na masa di taon 1998 i, reformasi ninna, alai dung  masa i, gabe reformasi na kebablasan. Na masa parpudi nuaeng on pe piga piga tuntutan ni rakyat Indonesia ima asa di sahkan UU Perampasan asset, sahat tu tingki on, mansai maol do disahkan nasida na ginoaran Dewan Perwakilan Rakyat (DPR). On do tong na mambahen holsoan hita songon rakyat Indonesia, mamereng kebijakan na saleleng on ndang berpihak tu rakyat.

2.     Dibagasan turpuk on diajari Tuhanta Jesus do tu hita asa unang holsoan. Holsoan do hita di ngolu on ? dia do na ringkot dibagasan ngolunta pardagingon on do manang partondion ? Ngolunta on memang ringkot di di pardagingon, alai ndang holan ngolunta on na gabe fokusta manang sasaran dohot tujuan. Unang ma tabahen holan na naeng pasonanghon dirinta sandiri, alai boha do hita mampu jala mangantusi tujuan ni ngolunta ima laho pasonanghon roha ni Debata Ama i. Ndang boi pasonangonta Tuhanta i marhite hepeng, sinamot. Ala ni i unang ma holsoan hita agia manang aha pe; angka sipanganon, siinumon, parabiton nang kebutuhan-kebutuhan na asing. Somal do na taholsohon ima angka na tarida, na tabereng, na tahilalahon. Holsoan aha do na naeng panganonta, inumonta, aha do sibahenon, aha do siulahonon, aha do pangkeonta, mansai godang nang ragam ni holso di portibi on na laho manegai haporseaonta. Sikap sisongon on ma na masa di tonga bangso Israel umbahen nag agal do nasida songon bangs oni Debata uju di halongonan nasida. Ala memang ndang porsea nasida di Debata na manarihon ngolu nasida. Na sai holan mamereng dijolo nasida do, boha ma na mardalan tu jolo manuju Kanaan naung niuarihon ni Debata, alai na niida nasida haportibi on do; jadi tubu roha holso di sipanganon  di siinumon dohot lan na asing.

3.     Adong ma tolu hali Jesus mandok “unang holsohon hamu” (Ay.25,31,34). Natinaringotan ni Jesus ima mangholsohon sipanganon dohot siinumon. Ia jolma ringkto do mangan dohot minum. Molo so mangan dohot minum, boi do gale jala marsahit jala sahat tu na mate. Ima kebutuhan pokok di ngolu ni jolma ima sipanganon ima pertahanan hidup, mempertahankan hidup dunia tidaklah perlu dikhawatrikan. Asa molo tajaha tangkas aya.25 i nanaeng dohononNa, ia ngolunta  on ndada holan taringot tu sipanganon dohot siinumon. Alai na mangolu do na porsea sian Hata ni Debata. "makanan bukan hanya dari roti saja tetapi dari Firman Tuhan" berasal dari Yesus dalam Matius 4:4, yang mengutip Ulangan 8:3. Maknanya adalah manusia membutuhkan keseimbangan antara makanan jasmani (roti) untuk tubuh dan makanan rohani (Firman Tuhan) untuk roh, karena kehidupan sejati berasal dari pemenuhan kebutuhan spiritual, bukan hanya fisik. Ido umbahen didok Jesus unang holsohon hamu, asa tongtong hot marhaposan jala marhaporseaon tu Tuhan Jesus.

4.     Ai arga do hita dijolo ni Debata (ay.26). Mansai arga do angka na tinompa ni Debata. Ndang sembarangan Debata manompa angka jadijadianNa, jala jolma manisia i ma na tumimbo sian angka na tinompa, dilehon do huaso laho mangaramoti angka na tinompa na asing i. Dilehon do balanjo ni angka na tinompa i, tarlumobi ma jolma i. Ummarga do jolma i sian angka na tinompa na asing, ido alana ditompa jolma i tudoshon rupa ni Debata, ima istilah imagodei (segambar dengan Allah), ima sada alas an na mansai penting boasa lumobi umarga hita jolma sian angka binatang. Ala memang naung madabu do jolma i tu bagasan dosa, asa naung sega do rupa ni Debata di hita jolma, nang pe songon i dilehon Debata do dalan laho pardenggananta ima marhite AnakNa nasasada i, ima Jesus Kristus. Asa unang be holsoan hita ujung ni parngoluonta. Asa holan tu Ibana ma tapeakhon panghirimonta di sandok panggulmiton ni ngolunta.

5.     Marisuang do holsomi (ay.27). Ndang marguna ia holso i, jala ndang mangalehon kontribusi na membangun di ngolunta. Holsoholso i sude ndang mangalehon dalan haruar sian ragam hamaolon nang hasusaan. Angka holso ndang manamba partingkianta dibagasan ngolunta. Tung so boi do hita manguhom, marbagudung jala mandok holsoholso i mangalehon pangurupion di hita, jala ndang haluaon dibagasan holso. Jadi boasa sai holsoan dope hita di ariari ni ngolunta ? Unang pola pompom holso i dibagasan roham, unang gabe manusai dibagasan ngolunta. Molo ro holsoholso i unang tapaolooloi holso i ai ndang marguna i.

6.     Diparade Debata do sasude  (ay.28-30). Huria ni Tuhanta taingot ma uju Debata manompa, ai ndada jolma I ditompa parjolo asa angka na asing, alai jumolo do ditompa Debata inganan na tama jala uli langit dohot tano on, ro di isina; angka awangawang, na tiur, naholom, aek, alogo, angka binatang dohot suansuanan asa pe ditompa jolma i. Naung diparade jala dipauli Debata do na ringkot di jolma i. Ima Holong ni Debata tu hita jolma. Asa mansai arga do hita dibahen Debata. Laos songon i ma panarihononNa di hita jolma, diparade hian do sude lengkap jala sempurna asa marhasonangan hita. Ai sedangkan angka bunga nang duhutduhut disarihon Debata. Saluhut na tinompa i tarmasuk angka pidong pe disarihon Debata (ay.26). Angka na di tano on disarihon Debata, ala ni i unang ma holsoan hita. Molo sai holsoan do berarti na hurang haporseaonta. Ido ala na di paingot Jesus di ay.30 “…..Oe hamu siotik haporseaon!”. Na holsoan na patuduhon adong masalah, patuduhon na hurang porsea. Didok holsoholso i do na so porsea i diparade do di hita. DIdok holsoholso i asa tajaga ma dirinta. Jala didok holso i do alasan na mangolu dope hita sial ana taulahon do angka na ringkot laho manjaga dirinta asa hot marngolu. Alai boi do pintor hatop manundali angka pingkiran nang pandapot si songon i sian rohanta. Ai so margogo hita laho hehe, hea do hita marningot i ? songon na posi do nian. Uju laho hita modom, dung i ndang taboto agia manang aha uju modom hita aha na masa di pamatangta manang dibagasan pamatangta i. Alai na pasti marhosa dope hita disi naso tasadari, dung i marhusor tu siamun nang tu hambirang lomonta alai ndang tasadari i. Dung i hehe ma hita sian podomoanta alai ipe ndang tasadari i. Ndang sian gogonta i sude. Tung boi ma dohononta sasude na i ala ni gogonta sambing ? Ai ndang boi hita manggomgomi i sasudena. Tung boha ma parjadina ala sian gogonta sude umbahen na boi dope hita mangolu jal amarhosa? Ndang boi hita mangendalihon angka na masa di ngolunta. Ido alana pamatangta on ndang diulahon na tapingkiri na sasintongna diulahon nang pe sai takendalihon i. Jadi ingkon pos do rohanta jala marhaporseaon tu Tuhan i. Angka holso i ndang na gabe porsea diparade Tuhanta do sudena i muse. Dison ma naung maralo holso dohot porsea na so sadalan.

7.     Diboto Tuhani do na taharingkothon (ay.31-32). DIpaingot Jesus do hita asa unang holsoan siala Debata Ama na di Surgoi mamboto na taharingkothon. Holsoan dang ringkot sian holso na mandok ndang dibereng Tuhan i keadaan dohot kondisinta, manang ndang mamboto na taadopi. Diboto Tuhan i do na tahaporluhon ala Ibana do na manompa hita. Alai molo roha ni angka portibi, pardagingon nang angka sipelebegu i sai mangalului dohot mangholsohon aha nanaeng sipanganon nasida, aha siinumon, nang  pahean nasida. Ai didok Tuhanta i ndnag ringkot ulahononmu holsoan, naung diparade Ibana do dihita sude. Asa marhite ima disosoi hita laho mangalului Harajaon ni Debata dohot Hatigoranna asa tambahononNa angka ondeng tu hita. Angka na sai mangalului Harajaon ni Debata dohot HatigoranNa sai solhot do Tu Debata. Jonok tu Debata tung so hurangan do agia manang aha, ala ni ndang pola holsoan. Debata do panggomgomi, pengendali hidup dan kehidupan, ndang pola khawatir hita disi. Ima manjou hita asa focus tu dalan ni Debata na manggohi angka na tahaporluhon. Songon holong ni Debata manarihon Bangso Israel di halongonan uju mardalan tur nasida sian Misir tu Kanaan, diparade Debata do di nasida; dipanganon, siinumon, parlinggoman, hagogoon, hamonangan. Laos songon i do holong ni Debata tu hita Israel na imbaru, na pinaimbaru Jesus Kristus. Unang be mamereng tu pudi, tu jolo ma parrohahon ragam pasupasu ni Debata na naeng sipasahathononna. Unang ma holan tu ondeng i rohanta  nang tujuan ni ngolunta na jumolo, alai tu Debata nang angka sangkapsangkapNa. Luli ma Debata mual ni nasa pasupasu i.

8.     Mangolu ma sadari on, loas Tuhan i manarihon ari sogot (ay.34). Pandohan na parpudi on na sian Jesus asa mangatasi holsoan i. Holso boi do tubu ala ketidakpastian di ari sogot. Ai ganup aria dong be do bobanna sandiri, di Debata do masa depanta. Bereng ma jala evaluasi ma naung piga taon hita mangolu dipasonang Debata ? aha ma holsohononta aha na naeng masa sogot ? Ai sarihonon ni ari marsogot do na ringkot disi. Sae do, molo masiporsan hasusaanna be angka ari. Ndang mandok soada masalah di ari sogot. Sai adong do masalah nang siholsohononhon. Alai songon na porsea hita loass m Tuhanta i na mangatasi saluhutna ragam permasalahan di ngolunta. Tahamauliatehon ma ari ni ngolunta; ima sadari on, unang adong na manegai las ni rohanta marhite holsoholso i. Holso i do na manghuphupi hita laho mangalului Debata.

9.     Huria ni Tuhanta didok Topik ni Minggunta; Debata Paimbaruhon Ngolu Ni BangsoNa  (Tuhan Memulihkan UmatNya). Naung ditobus Jesus Kristus i do sude dosa ni portibi on nang dosa ni jolma, asa unang taholsohon be hangoluanta sogot. Naung dilehon jaminan hangoluan na manongtong i jala paradehon inganan di Banuaginjang i, asa ndang ringkot be hita mangholsohon agia aha pe di portibi on. Ala ni i molo naung dipaimbaru Debata ngolunta tongtong ma hita:

ü  Pajonokhon diri tu Ibana dibagasan tangiang dohot elekelek songon na niajarhon Tuhanta I dijoloni turpuk on ima :’Tangiang Ale Amanami” didok di Mat.6:8-13, ai naung diboto Debata do na ringkto di hita.

ü  Asal ma hita tongtong burju mangulahon lomo ni rohana. Ai marhite i do tau hita sangkap dohot lomo n iroha ni Debata.

ü  Marhaporseaon na togu, tung aha pe na masa, sai hot marhaporseaon tu Debat Ama marhite Jesus Kristus na gabe hamonanganta. Amen.

 

 

Jamita Evangelium Minggu XIII Dung Trinitatis – 14 September 2025

Las Ni Roha Di Hamumulak Ni Anak Na Mago

(Sukacita Atas Kembalinya Anak Yang Hilang)

Lukas 15: 11 – 32  

 

1.     Huria ni Tuhanta na hinaholongan dibagasan Jesus Kristus, na marumpama do Jesus laho mangadopi angka Parise dohot Sibotosurat, na marungutungut ala ro angka sijalobeo dohot halak sipardosa solhot laho manangihon Hata ni Jesus (ay.1). Pola didok: “Dijangkon on do angka pardosa, pola sapanganan Ibana dohot nasida” (ay.2). Dung I dipaboa Jesus ma umpama taringot tu brubiru na lilu (ay.4-7), dohot taringot tu hupang na so tarida (ay.8-10). Marudut ma muse tu umpama taringot tu anak na mago (ay.11-32) ima turpuk on. Sude umpama I patuduhon songon dia sikap ni Tuhan Debata tu angka jolma sipardosa. Di turpuk on dipatuduhon Jesus do ise do angka umat baru dohot anggotana di Harajaon ni Debata. Ai di harajaon Banuaginjang I na parsidohot do Debata sandiri mangatur parngoluon ni hajolmaon dohot manontuhon angka ise parsidohot  tu harajaonNa. Di umpama ni Jesus taringot tu anak na mago na di turpuk on, tangkas do diondolhon hinaringkot ni respon ni jolma I molo “masuk tu harajaon ni Debata.” Di parmulaan ni Evangelium Markus pokok utama ni pod ani Jesus ima “pauba hamu ma rohamuna, jala haporseai hamu ma barit ana uli i!” (Mark.1:15). Dung I diumpama ni Jesus di turpuk on ima mangondolhon hinaringkot ni na paubahon roha laho masuk gabe ruas ni Debata. Ai di turpuk on, ndada holan mangondolhon kebaikan dohot kemurahan ni sada ama I, alai diondolhon do ringkotna anak sianggian I menyadari haotoonna jala rade manguba cara hidupna.

2.     Jamita paubahon roha memang jotjjot do ndang palashon roha ni na umbegesa, ala ingkon ongkuan do hasalaan. Marlapatan disi, nunga kehilangan muka hita jala mangokui haroaonta secara moral. Alai tangkas do dipatorang Jesus; halak na so rade manjalo keadaan I, ima halak na so hea marparsaoran na mangolu dohot Debata. Taingot tangiang ni halak Parise dohot SIjalobeo na di Bagasjoro (Luk.18: 9-14). Molo tauji mamereng umpama ni Jesus on sian marragam sudut, ndada holan naeng menyadarkan angka Parise dohot Sibotosurat, na merasa sok suci, lebih benar dan yang diterima di hadapan Allah, alai dapot taida do songon rimpunan isi ni perumpamaan ni Jesus di turpuk jamita on; ima:

Ø  Debata Ama na parholong roha situtu, ai na marholong n iroha do Ama I tu AnakNa na lintun manadinghon Ibana, dung muba roha ni anakNa I jala ro mandapothon Ibana. DIhaholongi Debata do nang anakNa na tongtong di lambungNa, na tangkang jala sombong, ai didok do dirina na tama haholongan ni Amana. Molo mulak angka sipardosa tu hatigoran dohot tu hasintongan, las situtu do roha ni Debata dohot roha ni Jesus Kristus manjangkon nasida.

Ø  Sada ama dua anakNa; ro anak sianggian mangido harta warisan manang panjaean sian Amana. Dung I diboan ma I tu pangarantoan jala dipasuda sude, dipansuasaehon paolooloi hoisapna (ay.30). Hape masa do haleon potir di pangarantoanna I, gabe rapar ma ibana so mangan. Dilului karejo alai disuru ma ibana marmahan babi, pola gabe sipanganon ni babi I dipangan ibana. Di tingki I songon kacang Panjang do I na margoar “roti Johannes”, boi do I panganon ni jolma, alai di tingki hapogoson dohot hadangolon do. Jala adong do mandok; molo nunga sanga dipangan halak Israel sipanganon “Chamba” ima tanda naung sadar jala mulak tumanda dirina sandiri. SOngon anak na mago I, sadar ma ibana (ay.17) jala mulak tu Amana.

Ø  Dung ditanda dirina, ditopoti muse ma dosana. Hape Amana I pe naung manghirim hian do di haroro ni anakna i. Ai dung ro (ay.20), asi ma Rohana marnida ibana, hatop ma ditomu, dihaol jala diumma. I ma patuduhon na rade do Aman I manjalo hasesaan ni dosa ni anakna i. DIpatupa muse do pest ana balga, jala dilehon ulos, songon tanda penghormatan, dilehon tintin songon tanda hajongjonganna, kedudukanna na tongtong timbo di jolo ni amana i. Dung I dilehon muse sipatu patuduhon naung jolma na Merdeka ibana ndang jolma hatoban be. Sude I sahat tu ibana ala na sadar ibana jala rade paubahon roha huhut manopoti dosana.

Ø  Ia anak Siahaan na hot tinggal di jol oni amana, gabe muruk do. AU do na tongtong di huta mangurupi ho diulaonmu, satia tu nasa podam, so adong art ana hupasuda, so hea dibahen ho songon I tu ahu, ninna mangapian manang mangiburu tu pambahenan ni amana I tu angina i. DIapoi amana do ibana didok ; “Anaha, tongtong do ho rap dohot ahu jala di ho do sasude na di ahu I” (ay.31). Gabe sadar ma muse ibana jala mandohoti pesta i.

3.     Molo tapaihutihut proses hamubaon ni anak na mago I, pinomat adong ma opat siparsiajaranta disi, ima:

ü  Sadar do anak na mago I didosana. Kesadaranna diboto “magona” disadari hahurangan na niulana. On do tahap na parjolo di sada halak molo naeng muba Rohana. SOmalna do na tuatua mandok: “Ee…tung so ditanda ho do magom..”. Halak na so tumanda magona ndang tagamon olo muba. Anak na mago I sasdar, ditanda magona, ima “mahiandu”, “marmahan babi”, langkat indahan ni babi pe ndang tarbahensa mangallang” (ay.15-16).

ü  Imajinasi, dibayangkon ibana keadaan andorang so mardosa ibana (mansuasaehon artana) dohot dibayangkon hasonangan molo mulak ibana muse tu natorasna. “torop digaji damang” (ay.17). Molo so hea do sasahalak merenungkan, membayangkan na dumenggan sian keadaan masa kini ni ngoluna, maol do ibana manguba manang paimbaruhon ngoluna.

ü  Keputusan, dibuat anak na mago I do haputusan tu dirina sandiri “Hehe ma ahu” (ay.18). Dipingkiri ibana aha sidohononna, aha alusna. Ima menyerah tu amana jala patuduhon panolsolion ni Rohana. Jadi ndang h olan hata, alai dihatahon dung I diulahon muse na nihatahonna.

ü  Proaktif; anak na mago I ndang lalap ibana manolsoli sambaing di dosana. Ndang madabu ibana tu pandelean. Alai hehe ibana, mulak tu dalan na sintong. Mulak sian parjalangan tumadingkon nasa dosa. Adong halak na reaktif, gabe mangalo natorasna do ibana. Adong na so parduli di sidangolonna, gabe “minum tuak, minuman keras” do panombosanna. Anggo anak na mago I proaktif do ibana.

4.     Huria ni Tuhanta, sian turpuk evangelium on, na gabe sipahusorhusoron ni rohanta ima:

Ø  Parjolo, ise na mananda dirina marhite na paubahon roha, mulak marhaburjuon di ngolu ha-kristenon I, di ibana do holong n iroha ni Debata Ama i. Nian, ingkon tongtong do hhita di ganup tingki paubahon roha. Ai saleleng di portibi on dope hhita tongtong do sai tarela hita tu hisap n iroha, songon anak na mago i. Ai sai taingini do na uli, lomo do rohanta mandai na tabo, menikmati na sonang. Jadi naeng do tongtong sai paubahon roha hita, asaa sai imbaru tongtong rohanta, dung I mangolu ma hita di roha partondion, ndang di roha portibi on. Na mangolu di roha partondion ima na mangulahon na hinalomohon ni Tuhan I, na mangaradoti patikNa na mangulahon nidok ni HataNa, dung I mangolu ma di bagasan Tuhan i.

Ø  Di tingki parpudi on adong do anak na menganggap jala manuntut hak, na mandok tanggungjawab ni natorasna do ibana, jadi nasa pangidoanna pe ingkon oloan ni natorasna. Pola adong na loja jala maheu di ngoluna ala paolooloi anakhonna i. Di umpama ni Jesus di turpuk on memang, dilehon do kebebasan tu anakhonna I, diloas laho mangaranto, dilehon arta panjambaranna. Alai na mago do anakna I molo dao sian amana, molo dioloi hisaphisap ni Rohana, ndang ditangihon pod ani amana. Jala dipaimaima mana I do kesadaran ni anakna i. “Loas ma dakdanak I menemukan dirina sandiri”, menyadari ise ibana jala siala kesadaran I ma ibana maju, lam berkembang. Boi do adong songon I sikap natuatua tingki on tu anakhonna. Dilehon tu anakna kebebasan. Ndang ola sai ditiroi jam belajarna di jabu, ndang pola disleidiki beha ibana di parsikolaan. Dao do ibana sian jol oni natorasna anang ndang sajabu. Jala digohi natoras do saluhutna kebutuhanna di jabu dohot di sikola. Alai sotung dipansuasaehon kebebasan manang holong na nilehon ni natorasna i. Sai diparsintahhon natorasna do asa jolma na marguna angka anakhonna. SOngon na nidok ni Johan Wolfgang ; “nasa jolma na mangolu na so marguna, ima naung mate na so tingkina”. Patudos tu ay.24.

Ø  Napaduahon, na sintong do Debata di nasa pambahenanNa. Tapadao ma dirinta sian kecemburuan na palobihu. Di umpama on manuntut do anak sihahaan I tu pambahenan ni amana tu sianggian i. Diida ibana malobihu do pambahenan ni amana tu sianggian I sian tu ibana sandiri. Alai na taida di umpama I nang ibana pe dianju jala dihaholongi Amana I do gabe sude nasida marlas n iroha. Kecemburuan boi do tupa masa songon I di ngolunta. Kecemburuan  ni na marhahaanggi gabe masa na saling menuntut hak asa dos dohot abang-adekna. Kecemburuan sosial ala merasa tidak adil, ndang lengkap jala cukup di ibana songon na di donganna. Nang pe sasintongna di ngolu ni halak siihuthon Kristus soal kedua do arta portibi on. Ngolu ni na porsea jala mangulahon lomo n iroha ni Tuhan I do ianggo na parjolo jala na utama. Kecemburuan boi do menimbulkan malapetaka, mambahen mago hhita. Kecemburuan boi do menimbulkan pemberontakan, perlawanan, perkelahian. Alai dihaholongi Debata do nang na di bagasan kecemburuan i. Asa ma muba Rohana dohot do ibana mandaii holong ni Tuhan i. na marhamubaon n iroha na paimbaruhon diri di jolo ni Debata, I do angka na manjalo pasupasuNa. Amen.