Jamita Evangelium Minggu Sexagesima - 23 Februari 2025

Ev: Mateus 5: 38 - 48                                                Ep: Psalmen 37 : 1 – 11

 

 

Manghaholongi Musu

Mengasihi Musuh

 

1. Huria ni Tuhanta dibagasn Jesus Kristus. Ise ma na hadir nuaeng digarejon na marmusu ? Aha do alana umbahen marmusu hamu ? ise do parjolo na marsala ? Hita be ma mangalusi, atik adong musuh dalam selimut, diluar selimut, di parkarejoan marmusu, di na marhombar balok marmusu, di parpunguan marga marmusu, di na marhahamaranggi marmusu, di sikola marmusu, di huria marmusu ? Hita ma na manghilalahon i. Alai adong do sipata tahilala ndang apala adong musunta, alai adong na sogo rohana mida hita, jala dianggap hita musu, molo pajumpang ndang pola dipataridahon sogo ni rohana i di hita. Nuaeng na gabe sungkunsungkun, aha do na dimaksud musu dison, ima  halak na manghosomi hita, diburai hita, dipusa hita, dialo hita, jala na mengorbankan hita holan ala ni pasauthon sangkapna. Dipangido Debata do hita mangadopi musu i dohot pangalaho hahomion na so pola marhite gogo sandiri. Ima na patandihon angka siihuthon Kristus dohot angka na so siihuthon Kristus. Ala molo tahaholongi halak na manghaholongi hita, ndang adong parasinganna dohot halak na asing. Manghaholongi musu, mangulahon na denggan tu nasida, manjalo pasupasu jala martangiang tu nasida mangasahon haporseaon. On ma na niulahon angka naung pinalua ni Kristus.
2. Huria ni Tuhanta, memang, Hata ni Tuhanta Jesus on jauh di atas standar na somal. Na somal ima: mata ganti mata, gigi ganti gigi; di ginjang ni i muse; haholongi ma na manghaholongi ho, alai hasogohon ma musum. Alai nuaeng ro ma Tuhan Jesus di ay.44 mandok: “holong ma rohamu di musumuna; tangianghon hamu ma angka na paburuburu hamu”. Didok ndada holan ndang manghosomi muse, alai justru lebih maju dope, ima: Holong ma rohamu di musumuna; tangianghon hamu ma angka na paburuburu hamu (ay.44). Jala tutu, dipraktekhon Jesus do i. Hata Junani na dipangke dison ima hata : Agapao, mengasihi, berbuat baik. Agapao ini berarti, perasaan baik yang aktif terhadap orang lain. Itu berarti bahwa tak  peduli apa yang dilakukan oleh orang itu terhadap kita. Kita tidak pernah mengijinkan diri kita untuk menginginkan apapun kecuali kebaikan yang tertinggi bagi dia. Nang pe naung mansai hansit nabinahen nasida i tu hita, alai didok Jesus, ingkon “mar-agapao” do hita, ima: unang paloas dirim patupahon manang aha tu nasida, so holan mambahen na dumenggan ni na dumenggan tu nasida. Alai, sasintongna, laos on ma cara manguhumi nasida, bukan dengan balas dendam, tetapi dengan perbuatan baik. Seorang presiden Amrika Serikat pernah mengangkat seorang msuuh bebuyutannya menjadi menterinya. Semua temannya protes. Tetapi sang Presiden mengatakan: Dengan membuat seseorang yang memusuhi kita menjadi kawan, kita telah mengalahkan seorang musuh kita. Ido nidok ni si Paulus di Rom 12: 20-21 Onpe, jumpa male musum, lehon ibana mangan; jumpa mauas ibana, painum! Ai songon na pagukgukkon gara do ho tu atas uluna, anggo dibahen ho songon i. Unang ma talu ho dibahen hajahaton; alai taluhon ma hajahaton i marhitehite na denggan! Ndang hita talu dibahen hajahaton i, alai ibana do talu dibahen hadengganonta i. Ima napinatudu ni Tuhanta Jesus di silangNa i, di na ginorahonNa sian silang i: “Ale Amang, marpamuati ma rohaM mida nasida, ai ndang diboto nasida nabinahen nasida i”. Laos hata i do tarbege sian pamangan ni si Stepanus, di na laho mate ibana dung dihakimi, didangguri sampe mate. Alai siingotonta dison,  molo tatangianghon halak na manusai hita, unang ma ala kepentinganta, misalna: asa unang disusai be ahu. Alai tatangianghon nasida holan ala ni holong ni rohanta tu nasida ma, ala kepentingan nasida ma. Boasa ? ai molo muba nasida malua ma nang hosa nasida. Alai laos marguna situtu do i nang tu dirinta. Ai molo burju, ikhlas dan tulus do hita manangiangkon angka halak na manghasogohon hita, pasti ambolong (terhapus) ma holso, sogo ni roha, manang sakit hati sian dirinta. Hape, molo naeng mamalos hiya, taboto do ise korban pertama ni demdamta i ? Ima hita sandiri. Moo tapaloas hosom, dendam, sakit hati mangarajai dirinta, ida ma sai na murhing do bohinta, sogo ma rohanta, sai mohop ma ateatenta, gabe ndang fokus be hita karejo, bahkan gabe boi marsahit ma hita. Ala ni i do didok na pistar; molo olo hita mengampuni, ndang mamalos, sasintongna, dirinta sandiri do na parjolo taubati. I ma mambahen bohinta gabe sai minar, rohanta pe tiur, godang  ma isnpirasi na denggan, sai gok las ni roha ma hita, jala ima mambahen hita hipas.
3. Ay.39-42 molo tadok unang mamalos; molo dipastap hurummu siamun, adong na mambahen sindir laho mambuat ulosmu, adong manggogoi asa mandongani ibana sapaal, adong na mangido, unang mamalos. Alai aha do lapatan ni i? Molo didok: Mata ganti mata, gigi ganti gigi, on ma hukum “jus talionis”, pinodahon ni angka guru (rabbi) Jahudi, songon niaturhon ni si Musa di 2 Musa 21, 24: 3 Musa 24, 20 du. Konteks ni on di halak Jahudi ima pengadilan. Karena itu artinya adalah: pengadilan harus memberikan hukuman yang setimpal dengan kesalahan orang yang diadili. Tapaloas ma pengadilan na manguhum nasida, ai dilehon Debata do hak tu pengadilan, tu pamarenta mangulahon i. Rom 13: 4 Suruan ni Debata do nasida, laho manumpak ho. Alai molo diula ho na jat, patut ho tahutan, ai ndada gaitgait podang na niusungna i. Suruan ni Debata do nasida, mangkonahon uhum tu siulahon hajahaton.
4. Huria ni Tuhanta, ala ni i, unang ma hita na manguhumi. Molo nanidok ni patik ni si Musa i, ima soal uhum ni pamarenta, alai na tinaringotan ni Tuhan Jesus dison ima soal hubunganta tu dongan jolma di ngou siganup ari do. Nidok Jesus dison; supaya tidak terjaid balas dendam pribadi. Memang molo didok: “mamastap hurum”, ima sada tindakan na  paling sengaja untuk menghina seseorang. Lapatanna, molo sanga dipastap hurumta, ima sada penghinaan terbesar tu hita sian na mamastap. Alai ima didok Jesus: “Unang balos! Molo dihina ho, unang balos dohot na menghina ibana; molo dimakimaki ho, unang balos marhite na memakimaki; jangan membaas kebencian dengan kemarahan atau kemarahan dengan kemarahan. Tetapi, adalah kewajiban dari setiap orang percaya adalah untuk menanggung dengan sabar tindakan menyakitkan yang ia terima. Alai, ndada na pasombuhon asa merajalela hajahaton. Ndang ! nanidok ni Jesus ima: molo adong halak menyakiti hita, unang tabahen pembalasan pribadi; alai tapasahat ma i tu panguhum naung pinabangkit ni Debata. Talaporhon ma i tu penegak hukum. Alai molo polisi hita manang penegak hukum, tugasta ma i, hita ma tangan ni Debata manguhum siula hajahaton. Ala ni i do disosohon Hata ni Debata ingjon tongtong tangianghononta angka pamarenta, tarlobi angka penegak hukum asa tigor jala sintong uhum nasida.
5. Ay.40-42. Godang do penafsir mangalapathon on, asa girgir rohanta laho mangalehon, ndada mambuat. Dengan nas ini Tuhan Yesus ingin mengajar semua pengikutNya agar jangan menjadi orang yang selalu mempertahanan haknya atau menjadi orang yang selalu mementingkan kepentingan dirinya sendiri. Kasih adalah kemauan atau kesediaan mengorbankan hak dan kepentingan kita. Sibahenonta ma i ndada holan tu dongan na burju, alai dohot do nang tu halak na so tatanda, bahkan na manghasogohon hita. Karena lebih berbahagia memberi daripada menerima.
6. Ay 45. Molo halak Batak mandok: ndang dao tubis sianbonana. Halak Inggris mandok: “like father like son. Pangalaho ni anakonna ingkon patduhon pangalaho ni amangna. Ai songon i do sifat ni Debata jahowa, Amanta i. Ai nang pe naung mardosa hita natinompaNa on, alai tung dihaholongi do saluhutna. Dipabinsar do udan jala diparo do udan tu sude, ndada hoan tu partigor, alai dohot do nang tu parjahat. Ingkon songon i ma hita olo manghaholongi sude jolma, na jahat dohot na burju (alai taingot, ndada hajahatonna i na tahaholongi, halakna i do). Ingkon dumenggan do hita sian na asing. Pengikut Yesus itu harus lebih unggul. Ai molo holan halak na burju tu hita tahahoongi,  ndang pola adong halobianta sian halak na asing. Bahkan ra, ianggo solidaritas tu donganna do, jumago dope angka parjahat an. Ingkon andul sian i do. Ingkon olo manghaholongi na so patut nian urupan menurut ukuran hajolmaon. Boasa? Ala kasih karunia, songon na binahen ni Jesus na mangalehon asi ni rohaNa, mangalehon haluaon m so ala pambahenanta, alai ala silehonlehon, alai ala asi ni roha ni Debata sambing. Songon i ma nian hita, songon nidok Jesus: Ingkon gabe parasiroha hita songon Debata Amanta Parasiroha i (Luk.6:36).
7. Ay.48. Didok dison ingkon sarupa hita tu Debata, ima na singkop (sempurnah), di hata Junani disok: teleios; sempurnah, utuh, komplit, dewasa, tak bercacat. Standar on mansai timbo, alai ima na dipangido Debata sian hita. Dipangido asa sun denggan hita  luhutna. Ala ni i taharingkothon m laho marparange na badia, songon si Noak. Nang pe dihaliangi joma na marpangalaho hajahaton dohot gok halumlamon ibana, alai torus do ibana manjaga dirina di ngolu na sun denggan.
8. Ala ni i sian turpuk on taulahon ma:

ü  Manghaholongi musu

ü  Mangulahon na uli na denggan tu nasida (musu i)

ü  Lehon tu na mangido

ü  Balga ma upam jala gabe anak ni Debata Jahowa

 

Ima panjouon tu hita songon angka siihuthon Kristus, mangolu dibagasan hahaolongon, tu angka a marlomo ni roha tu hita manang na marmusu tu hita. Ima panjouon laho maniru karakter ni Debata asa gabe sitindangi ni Kristus hita taringot tu HOLONGNA i tu portibi on. Amen

Jamita Evangelium Minggu Septuagesima - 16 Februari 2025

Ev: Jeremia 17: 12-18                                         Ep: Kolose 1 : 24 – 29

 

Jahowa Do Panghirimonta

(Tuhan Pengharapan Kita)

 

1)    Huria ni Tuhanta na manongtong panggomgomion ni Debata tu hita, disi do panghirimonta. Nang pe nian dibagasan ngolu on sai adopanta do angka na mambahen jut roha, na mambahen hansit roha, kecewa. Jala boi do gabe ro tu rohanta na didia do Debata na manongtong i, songon na mago do. Alai dibagasan trupuk na paboahon panurirang Jeremia na tongtong sadar do ibana di panggomgomion ni Debata. Pos do rohana di hagogoon ni Debata i  hot do mangula asa ro ma lumbalumbana tu bangso Jehuda di halelengse bolon na naeng masa di bangso i. Alai dipahe Debata do halelengse nasida haduan songon sada bukti ni panggomgomionNa na manongtong i. BahenonNa do sogot bangso Jehuda gabe marlas ni roha siala Bagas Joro, alai tu  joloan ni ari mambahen bangso i mangandungi jala tumatangis siala ni halelengsena i.

2)    Huria ni Tuhanta, saleleng di parngoluon on, ndang dao hita sian hamaolon, arsak nang panaritaan. Ganup jolma sai adong be do na niarsakhononna, na niholsohononna. Adong do masa na ditundali, dihianati, ditulak angka jolma na dihumaliangta. Dipangalaho sisongon, ingkon tiruanta do nabinahen ni panurirang Jeremia. Dipasahat ibana do saluhut parngoluonna tu Debata na gabe panghirimonna, songon topik minggunta: Jahowa do Panghirimonta – Tuhan Pengharapan kita. Dia ma na mambahen asa marpanghirimon hita tu Debata ? ima:

Ø  Asi ni rohaNa na so halompoan. Dihaholongi Debata do hita so marbatas, sai dilehon do na dumenggan di ngolunta. Dihamaolon na taadopi, saii tahasiholi do Debata na mangurupi hita jala mangalehon na dumenggan songon na sinangkapanNa.

Ø  Huaso dohot panggomgomionNa. Saluhut na di portibi on ditoru ni huaso ni Debata do, ndang adong na buni sian adopanna agia manang aha pe. Ndang adong na so tarpatupa Debata, ido umbahen sai marpanghirimon hita tu Debata.

Ø  Hot do padanNa i.Ai nunga di pasahat tu hita jolma padanNa i ima Padan na Robi dohot Padanna Imbaru (Kitab Perjanjian Lama dan Kitab Perjanjian Baru). Disi ma boi botoonta na sai dipasaut do bagabagaNa i tu jolma. Sude naung dipadanhonNa i tarpatupa, ndang adong na so saut. Dipadanhon Ibana do hatigoran, hadameon dohot hangoluan na na dumenggan on. Dipadanhon Ibana do pangurupion, hagogoon dohot hangoluan na manongtong na gok p anghirimon di angka na porsea di Ibana. Padan on ma na gabe dasor tu hita asa unang gabe mandele jala mandate.

3)      Huria ni Tuhanta , molo tadok do Tuhanta i na gabe panghirimonta, asa taparrohahon ma Hata ni Debata na maniroi hita laho patupahon dohot mangulahon:

ü Tong tong marhaporseaon na togu: pasahathon sude parngoluon tu Debata. Pos ni roha jala marhaposan tu Ibana na tuk paturehon. Adong do sangkap na uli na denggan di Debata, nang pe sipata ndang taantusi dope dohot tangkas. Ala ni ringkot ma hita hot martangiang jala pasahathon diri hibul tu Debata asa di ajari hita, diurupi di pardalanan ni ngolunta. Sai marsitutu ma hita mambahen Debata na gabe panghirimonta, ndang mura mandele, alai olo mangadopi angka hamaolon dohot habaranion, siala taboto do Tuhanta i na mandongani hita.

ü Mandalani ngou na hombar tu lomo ni rohaNa. Dison do las ni rohanta na manghirim di Debata ima mangulahon angka na uli na denggan, dibagasan burju ni roha, haholongon, hatigoran dohot benget rohana di parngoluon siapari. Sai dipamanat do manjaga parsaoran dohot dongan jolma asa denggan, ima patuduhon haposanta Debata jala marhaporseaon di Ibana. Mandalani parngoluon on hombar tu patik dohot Hata ni Debata marhite pambahenan dohot pasarhon haburjuon, asa tarida ma haburjuon ni Debata tu humaliang.

ü Sai mandok mauliate disaluhut. Halak na sai mandok mauliate do na tau mandai hasonangan nang pasupasu ni Debata. Alai mandok mauiate i ndada sian keadaan na denggan, alai dohot do di keadaan na so denggan. Sipata hamauliateon ni rohanta ala ni angka na uli na denggan, dohot na pasonang rohanta do, manasai maol do masuk tu rohanta molo hamaolon, nang parungkilon sihmauliatehononta. Ala memang sai tapadau jala patasisi do angka rumang na boi mambahen mara, hamaolon, dohot jut ni roha. Hape angka na marhaporseaon boi do tataponna angka parsorion ni ngoluon pe dalan ni Debata laho mangajari hita angka lomo ni rohaNa, papitahon haporseaonta asa lam togu. Asa ganup hamaolon disi muse do adong sangkap ni Debata. Asa tudos ma songon na tarsurat di Jeremia Yeremia 29:11 (TB) "Sebab Aku ini mengetahui rancangan-rancangan apa yang ada pada-Ku mengenai kamu, demikianlah firman TUHAN, yaitu rancangan damai sejahtera dan bukan rancangan kecelakaan, untuk memberikan kepadamu hari depan yang penuh harapan" Jeremiah 29:11 (NET) "For I know what I have planned for you, says the Lord. I have plans to prosper you, not to harm you. I have plans to give you a future filled with hope"

4)    Huria ni Tuhanta, halak na marpanghirimon ndada holan mamboan sonang di parngoluon, alai mangalehon upa na mararga nang di portibi on dohot na hangoluan sogot. Hata ni Debata  paboahon upa na dipadanhon tu hita na sai tongtong manghirim di Debata ima:

Ø  Hagogon, habengeton, dame nang las ni roha diparngoluon. Sai lehonon ni Debata do hagogoon di angka na manghirim tu Ibana. Uju mangadopii ragam parsorion ni ngolu, ndang mura hita mandele siala pos do rohanta sai bahenon ni Debata do sangkap na dumenggan. Marhite hagogoon na sian Debata sai dapot hita do las ni roha dohot dame.

Ø  Pangurupion na sahat di tingkina. Ndang tadinghonon ni Debata hita na sai tongtong manghirim di Ibana. Sai lehononNa do pangurupion di tingkina be jala dohot marhite dalanNa na dumenggan.

Ø  Ngolu na tarpasupasu. Halak na mangolu dibagasan haporseaon dohot panghirimon, sai hilalaonna do pangaramotion dohot pasupasu ni Debata. Ndada holan pasupasu pardagingon alai dohot do las ni roha, hahipason dohot parsaoran na rosu dohot angka dongan.

Ø  Ngolu na manongtong di Surgo. Angka halak na satia jaloonna do hangoluan na manongtong. Padan ni Debata taringot tu Surgo dohot las ni roha na manongtong dilehon tu angka na tongtong porsea dohot mangihuthon dalanNa.

Ala ni i, huria na hinaholongan, mansai balga do Holong ni Debat tu hita jolma di portibi on, dilehon dope asi ni rohana. Taon parasian on, mansai bahat do pe kesempatan na nilehonN atu hita. Ala ni i, talehon ma ngolunta di pauba Debata. Ngolu na marhamubaon, di Transformasi tu na lam dengganna, ndang manimbil sian Debata. Mamasuhi Minggu Septuagesima on, sai tajanghon ma haroro ni Sipalua i, ima Jesus Kristus i marhite hamubaon na signifikan, na marsitutu mangulahon Hata ni Debata. Amen.

 

Jamita Evangelium Minggu V Dung Ephipanias- 9 Februari 2025

Ev: Lukas 5 : 1 – 11                                             Ep: Amos 3 : 1 – 8

 

DIJOU GABE SIJALA JOLMA

(DIPANGGIL MENJADI PENJALA MANUSIA)

 

a)       Huria ni Tuhanta dibagasan Jesus Kristus, ternyata Jesus ndang holan melayani di Sinagoge manang holan marjamita di Bagas Joro ni Debata. Sian turpuk on boi tangkas taparrohahon ia Jesus pe laho do tu duru ni Bagas Joro i, ima tu topi ni Tao Galilea laho mamaritahon Barita na uli, laho marjamita i. Sian konteks on naeng do torus huria ni Tuhanta marsiajar laho patupahon ulaon sisongon i. Ia hadirion ni Jesus ima laho mamboan haluaon. Keselamatan na so holan tu sada bangso manang houm alai tu sandok portibi on do, haluaon na universal. Asa hajongjongan ni huria pe songon singkat ni Kristus, patuduhon hajongjongan ni Kristus, kehadiran Kerajaan Allah ditandai dengan orang-orang percaya dan persekutuannya dalam jemaat dan gereja di tong ani portibi on. Asa huria i pe mamboan haluaon ndada holan tu ruasna alai dohot do nang tu humaliangna. Songon pandohan ni Jesus di Yohanes 10: 16 “Ada lagi pada-Ku domba-domba lain, yang bukan dari kandang ini; domba-domba itu harus Kutuntun juga dan mereka akan mendengarkan suara-Ku dan mereka akan menjadi satu kawanan dengan satu gembala.” Tuhan Yesus juga memanggil kita, tentu tidak secara langsung berdiri di depan kita, tetapi Yesus memanggil kita melalui murid-murid-Nya (baca: pendeta, penatua). Tuhan Yesus juga memanggil kita melalui firman-Nya. Apakah kita mendengar panggilan dari pada gembala yang baik, “Datanglah kepada-Ku, semua yang letih lesu dan berbeban berat, dan Aku akan memberikan kelegaan” (Mat. 11:28). Banyak di antara kita juga telah menjawab panggilan itu. Tetapi kalau ada di antara kita yang belum pernah sungguh-sungguh mendengar dan kembali mengikut Kristus, biarlah kali ini kita boleh mendengar dan menyambut panggilan itu.

 

 

b)      Jesus Marjamita di topi Tao; Taingot dope ra di ujung ni Lukas 4 i dipatorang taringot tu Jesus na mardalani di luat Galilea laho mangajari jala marjamita i di Bagasjoro ni Debata. Molo ingot hita, taguruhon pangalaho ni pangajarionNa na somal sian Buku na Badia i barisbaris diajarhon Jesus. On ma dalan ni Debata laho mangajarhon HataNa asa diantusi. Alai ndang apala songon i be dibahen Jesus carana di Bagasjoro, alai laho do Ibana tu Tao Genesaret manang goar na asing Laut Galilea. Jala angka jolma i pe diondolhon do taringot tu Ibana asa mambege na niajarhon dohot na pinatorang ni Barita na Uli i. Mansai tangkas do, Identitas karakteristik sahalak sisean ni Jesus na tutu. Lomo do rohana tumangihon pangajarion ni Hata ni Debata. Sisean ni Jesus mangantusi impola ni buku, jala sumber ni Barita taringot tu Debata dohot Jesus Kristus, Tondi Parbadia, taringot haluaon, surgo, jala angka na marhahonaan tu partondion di Hata ni Debata. Angka na sintong manghaholongi Debata, sai dijugulhon do laho mangantusi taringot tu Debata, dalan na ringkot siulahononna ima mamparsiajari Hata ni Debata dohot manangihon pangajarionna.

c)       Dibereng Jesus do dua solu na di topi tao i, angka panjala i pe nunga leleng parsadarian manghail dengke alai soada dapot nasida, jala dipaias ma jala nasida i. Sepertinya mereka mendengar suara Jesus waktu berkotbah ketika mereka hendak memancing. Dibereng Jesus do dua solu na kosong, ala lam tamba bilangan ni jolma na naeng umbege jamita ni Jesus, dipangido Jesus ma sada solu i pangkeonna marjamita. Ndang apa holan sahali on pajumpang Jesus dohot si Simon. DIparmulan panghobasion ni Jesus pe, na leleng Ibana mandalani topi ni tao I, nunga dibereng Ibana si Petrus dohot si Andreas manghail dengkke, jala manjou nasida laho mangihuthon Ibana. Dungkon mardalan muse, naung di bereng Jesus do si Johannes dohot si Jakobus paturehon jala nasida laos dijou Jesus do nasida asa mangihuthon Ibana. Naopat nasida manghuthon Ibana, jala di na sataon I dihatindanghon nasida do halongangan na binahe ni Jesus jala tumangihon angka pangajarionNa. Dibege nasida do pangjarionNa taringot tu Debata na mangalehon hangoluan na manongtong di angka na porsea di Jesus Kristus. Laos dihatiha I do porsea na opat sisean I taringot tu hatongtongon dibagasan Jesus.

d)      Alai nuaeng nasida naeng do mulak muse manjala. Jala disada tingki uju manghail nasida, ro ma Jesus mamunga pangjarionNa muse. Lomo do roha nasida manangihon pangajarion ni Jesus taringot tu Hata ni Debata uju pature hail I nasida, ndang marnasoan dope ulaonnasida i. Dung sude I manangihon jamita I so adong boi mangalehon sipanganon di meja nasida. Sian nasida songon si Simon isarana, adong do pardijabuna sibalanjoanna. Diihuthon do sataon manipat Jesus alai nuaneng ringkot dope dinasida ngolungolu siganup ari, lai mansai maol do di nasida, manjala dengke disaborngin I alai soada dengke na dapot. Dungi dipaias ma jala nasida laho manjala di borngin na mangihut. Uju pature jala I do Jesus marjamita di sihatoropan I, asa sahat ma Jesus tu parau ni si Simon jala marsuru ibana laho mansampanghon jala na I tu na umbagas di tao i. Dapot nasida ma godang dengke, pola naeng maribak jala nasida i. Manangihon soara dohot mangulahon parent ani Jesus mamboan nasida keberhasilan. Dison ma haporseaon na mangula di diri ni Simon i. Atik pe boi dohononta, ra nga ummalo nasida dipengalaman songon panjala dengke, alai ingkon porsea ma nasida dipandohan ni Jesus, jala dapot nasida do na jinalahan nasida ima dengke na mansai godang situtu. Pasupasu na tajalo I pe songon angka na porsea hita ima siala pangoloionta di Hata ni Debata. Aut sugari ndang taoloi Hata ni Debata hasusaan ma jambarta. Jala dison ma peranan ni halak na porsea nang huria ni Tuhanta laho mambaritahon barita na Uli gabe “Sijala Jolma” di ragam parsorion nang hasusaanna. Ndada na sai holan asa dapotan parsaulian, alai marhite Tuhanta Jesus I do adong haluaon, las n iroha dohot olopolop.

e)      Dihilalahon si Simon do pasupasu na marlobian I dung porsea ibana di pandohan ni Jesus i. Sai hira na so tama do hape rohana mangihuthon Jesus I ala ni dosana dohot hailaonna di hagaleonna di adopan ni Jesus. Siala haputusan ni si Simon mansaodahon dirina jala tumangihon Jesus, ima na mamasumasu si Simon marhte pasupasu pardagingon. Jala lobi sian I tahe adong pasupasu na umbalga, ima pasupasu partondion i. Uju oloanta Jesus, sai na mangihut do angka ragam pasupasu dibagasan ngolunta. Alai sipata, pangoloionta I ndang na muramura, sipata dipangido Jesus do hita mangulahon angka na maol. Alai ima karakteristik ni haKristenonta, sai taoloi do Jesus nang pe sipata maol  jala ndang masuk angkal.

f)        Tarhalomong situtu do nasida rap dohot donganna siala angka na masa i. Ia donganna i ima si Jakobus dohot si Johannes angka anak ni si Sebedeus. Alai ala naung gabe ditanda ibana hadirion ni Jesus, laos disungkiti ibana ma dirina na so suman rap dohot Jesus alani angka dosana na sai laon. Alai marhite i, gabe didok Jesus do tu si Simon asa unang mabiar, jala dibuhai olat ni i gabe sijala jolma ma nasida. Ditransformasi Jesus do parngoluan ni si Simon dohot donganna na i, sian na somal mula ulaon di topi dohot di tao Genesaret, gabe sijala jolma, na mangihuthon Jesus marsiajar marbarita nauli tu angka ganup luat. Ditadinghon nasida ma angka parauna, laos diihuthon nasida ma Jesus. 

 

3.    Sipahusorhusoron di Jamita

 Marragam do cara ni pardengke laho mambuat angka dengke, adong na dihail, dijala dohot lan angka naasing. Alai molo dijala, marragam do dengke na dapot, mulai sian na metmet sahat tu na balga, jala mansam na pe marasingasing do. Idaonta so sian filosofi ni na manjala dengke on, tu filosofi ni sijala jolma songon pangidoan ni Jesus tu si Simon dohot donganna. Hampir sude angka sisean ni Jesus dipillit sian huta Galilea, ndang sian Yudea. Ndang sian halak na somal manangihon hata ni Debata, alai jolma na pogos, terasingkan jala ndang somal manangihon hata ni Debata. Ndang haboionta i juru kunci ni parsuruon ni Debata, alai pangaramotion dohot pandongani on ni Debata i do juru kunci ni kesuksesan ni ulaon sijala jolma. Asa molo didok gabe di jala jolma, ndang adong sipillit bohi na laho manghobasi manang ise pe. Ingkon dos do prinsip ni Jesus i nang diparniulaon ni angka siseanNa, na manghobasi ganup jolma, ndang marimbar, ndang marasing. Ai haroro ni Jesus dohot haluan na binoanNa ndang eksklusif alai inklusif jala universal do. Ndang sihobasi angka na burju marroha sambing hita, alai hea do dihatahon Jesus: ai di angka na marsahit do ringkot angka pandaoni (Mat. 9:12), ima na dijou ibana si Mateus, sahalak sijalo beo (parjalahat/orang fasik) gabe siseanna. Songoni ma nang hita ditransformasi Jesus Kristus laho mangulahon parsuruonta i, tu ganup jolma. Prinsip manjala do pangkeonta, asa ganup jolma do sihobasonta. Tudos do i tu hata ni Jesus andorang so manaek Ibana tu banua ginjang, asa sude jolma gabe siseanNa marhite parbaritaon nauli (Mat. 28;19-20).   Sian si jala dengke gabe di jala jolma, sian na mangula manarihon ngolungolu ni hadironta songon jolma, gabe mangula ma hita manarihon/mangharingkoti ulaon ni Debata laho paluahon ganup jolma, ido pangantusion ni si jala jolma. Amen.