Jamita Evangelium Minggu Dung Ari Natal – 29 Desember 2024

Mandok Mauliate  Siala Asi Ni Roha Ni Debata      

 (Mengucap SyukurAtas Kasih Karunia Allah)

1 Timoteus 1: 12-17   

 

 

1)     Huria nahinaholongan dibagasan Jesus Kristus, Mandok mauliate ima respon ni hta angka na porsea siala na tahilalahon denggan ni basaNa sudena. Angka haburjuonNa naeng tangkas tahamauliatehon sian nasa roha. Na nimaksud ni Ap.Paulus mandok mauliate dison ima hamauliateon ni roha siala naung nialaman dohot Tuhan i angka pambahenanNa ndang ala ni barita manang na nidok halak. Adong do nanihilalahon Ap.Paulus i sandiri ido na patoguhon haporseaonna. Sian sude angka panghobasionna, di arsak manang di las ni roha pe, sehat manang na marsahit pe sude do dihilalahon ibana siala panogunoguon ni Tuhan i ndang adong na marisuang.

Ido alana sai marlas niroha Ap.Paulus; las nirohana i na ro sian roha parbagasan na manogihon dohot patoguhon rohana di na laho mandalani ariari ni ngoluna, las ni roha i na mian nian di ganup angka halak na porsea. Angka na boi mandok mauliate ima angka na porsea i na tangkas mananda asi dohot holong ni roha ni Tuhan i dibagasan ngoluna. Adong pengalaman pribadi ni angka na porsea i raphon Tuhan i.

2)     Dibagasan turpuk on, mandok mauliate di si Paulus siala dihagaleon nang na terbatas ngoluna i, sai dilehon Tuhan dope hagogoon laho manghobasi ulaon na pinasahatNa. Molo marnida parngoluonna na uju i, ai ndang pantas ibana gabe naposo ni Tuhan i. Ai na uju i, halak na jahat do ibana, na olo mangaleai, manggosagosa halak Kristen. Dutangkup jala dibunu ibana angka siihuthon Kristus hatiha i. Marhite na mangasahon Patik mangogo do roha ni si Paulus na laho patigorhon uhum i. Alai ala asi ni roha ni Jesus Kristyus, dipillit do ibana gabe apostel jala gabe sisean ni Kristus i laho marbarita tu torop halak.

Mandok mauliate ma si Paulus sala asi ni roha na balga i na sian Tuhan i. Ai uhuman ma na pastina aeonna molo ala ni dosana i, jala sai marulakulak do didok ibana dirina pardosa godang. Ndang onding bohi ni Debata sian si Paulus, dipatarehon do tanganNa i tu si Paulus jala manghindat ibana sian gambo lisop ni dosa i.

3)     Huria ni Tuhanta , molo tarimangrimang i parngoluon ni si Paulus on songon parngoluonta, ise ma hita diadopan ni Tuhan i? Barani do hita mandok na boi hita manghobasi Tuhan i siala ni halobianta, hagogoonta, habadiaonta nang haburjuonta? Tontu ndang i. Ndang na i sude dibereng Debata. Dipillit Debata do halakNa na tonodoNa na gabe ulaulaNa di sangkapNa. Molo sian standar ni habadiaon do ndang tama si Paulus sipilliton. Marlas ni roha ma hita naung dipillit jala dihaporseai laho mangulahon panghobasion ni Tuhan i. Saluhutna i ndang ala nihagogonta alai ala ni asi ni roha ni Tuhanta sambing do i.

4)     Songon naung mardalan angka pesta Natal di hurianta, di lunggu, di STM, di keluarga, sai gok las niroha ma hita disi. Asa tangkas ma parningota ari hatutubu ni Jesus i manghorhon hamauliateon ni rohanta tu Tuhanta na mangalehon dalan haluaon di hita jolma pardosa on. Ala ni i mandok mauliate ma hita ala naung dihuphupi dosanta, ala naung disesa Jesus dosanta, ala naung dipatama hita gabe anakhonNa. Amen 

Jamita Natal II, 26 Desember 2024

“Nunga Dipabotohon Jahowa Haluaon Tu Hita”

Psalmen 98: 1 -9

 

A. Patujolo

Ia turpukta on ima na manghalashon haluaon bolon marhite ende pujipujian, ima songon alus ni haporseaon nijolma i dung dibolus angka na masa i. Nunga mulak tangke tu songkina, nunga mulak bangso i sian tano habuangan Babel, sumuang tu tanona hian, Kanaan. Ai mamungka sian taon 586 sM tartaban do nasida tu huta Babel hirahira 70 taon lelengna. Ai uju i dipapatu raja Nebukadnesar na tarbarita i do bangso i. Disurbu huhut di lengsehon do huta Jerusalem, songon i nang bagasjoro i, diboan jala ditaban mardongan rante do angka uluan dohot pomparan, panungganei dohot bisuk nibangso, so adong n atading pangisi ni Jerusalem, asing ni angka na suda gogo na so margellok. Nian, diparhatopot bangso i do, uhum ni Debata do na masa nasailaon, hombar tu hata panurirangon na pinasahat ni angka na poso ni Debata (isarana; deutrao jesaya, jeremia nang Hesekiel). Nunga salpu be angka gora dohot sitaonon ni bangso i. Ala ni disosohon parpsalm i ma asa marolopolop huhut marsuraksurak nasida mamuji haluaon na pinatupa ni Debata, marhite ende pujipujian nang angka uninguningan pe.

 

B. Hatorangan

Panandaon na tangkas di Debata jahowa mambahen ungkap ni roha parpsalmen on mangendehon Jahowa. Mansai godang do angka na binahen ni Debata Jahowa dipardalanan ni ngolu ni parpsalmen on nang dibagasan ngolunta. Angka dia ma i ? ima :

1)     “Mangendehon ende na imbaru” (ay.1a). Pandohan “na imbaru” martudutudu do i tu pengalaman/panghilalaan na imbaru do tongtong pambahenan ni Debata di bangsona. Taendehon ma ende na imbaru ala nunga tajanghon Jahowa na patupahon halongangan dohot manumpahi ngolunta. Ditumpahi Ibana do sude ulaonta jala lobi sian na tinagam jala tapingkiri. Ende n aimbaru ndada pola martudutudu i tu “gubahan baru” alai ende na imbaru boi patupaonta molo tajanghon Debata mangaraja i ngolunta. Molo tapaloas Debata manguluhon ngolunta asa dapot hita ma angka inspirasi na kreatif jala na imbaru mandongani ngolunta.  

2)     “Nunga dipambahen Ibana angka halongangan” (ay.1b). Mansai godang do nabinahen ni Debata angka halongangan di portibi on. Ditogutogu do manisia i asa unang marmara. Dung madabu jolma na parjolo di tu bagasan dosa, dilehon Debata do bagabaga ni Debata di haroro ni Sipalua i, ima hatutubu ni Jesus Kristus tu portibi on. Sahat tu na manaon hau pinarsilang i, mate do Jesus jala hehe muse di ari patoluhon laho manghamonanghon hita jolma pardosa on.

3)     “Nunga ditumpahi siamunNa i” (ay.1c). Tung  na gogo do tangan ni Debata. Dipalua do Israel sian parhatobanon Misir marhite tangan na gogo. Molo adong na mangambati sikapNa i, tanganNa na gogo i do manaluhon, mangaropuhi. Laos tanganna na gogo i do manoro, mangarampas, dohot paluahon hita sian tangan ni sibolis. Gariada tahe, didok di Kolose 2: 15 “Dipupusi do angka hamuliaon dohot panggomgomion, patar do dipatotondurhon nasida, dipaebangkon do nasida na talu i.” Jala nuaeng, hasosorang ni Sipalua i ima Jesus Kristus i mangalehon dalan haluaon tu hita jolma pardosa i.

4)     “Nunga dipabotohon hatuaonNa”(ay.2a). Hatuaonta las ni rohanta holan dibagasan Jesus Kristus naung tubu i. Dibagasan Ibana halauonta, ndada marhite pambahenannta, manang marhite patik, holan dibagasan Jesus Kristus do dalan hangoluanta na manongtong i. Sada do tanganta manjalo i, ima tangan haporseaon. Ima tanda ni asi n roha (kasih setia-khesed) ni Debata. Ido na ingkon endehonon ni sdue hita, ima ala na olo Debata mangalehon haluaon na songon i di hita. Ai soada na songon i di ugamo na asing. Angka naung manjala, manjanghon jala mandai haluaon dibagasan Jesus Kristus i sai tongtong ma rohana mamujimuji jala mangendehon Debata Jahowa.

5)     “luhut ujung ni portibi on” (ay.2b-3). Ia haluaon i ndada holan tu Israel, alai dohot do tu angka parbegu, ndada lokal alai universal. Nunga sahat tu bangso Batak, pola nunga lobi 163 taon, jala sahat tu angka bangso parbegu di liat portibi on naung manjalo Jesus Kristus i gabe sipaluana.

6)     “Mangolophon Jahowa” (ay.4-8). Boha do mangolophon dohot mangendehon Jahowa ? ragam do jala marmansam; boi do marhite soara na hohom manghuling di roha; alai boi do marhite soara na marsurak; boi do marhite na marende; marhite na mamalu angka uninguningan (alat-lat musik) na marragam (arbab, sarune). Alai ndang holan jolma, ingkon sandok tano on do. Marhite soarana diendehon angka pidong do Jahowa, angka laut marhite pardoromna, angka alogo marhite pangombusna, dohot na asing. Sandok portibi on tahe ingkon gabe pentas kemuliaan (gloria theatron) di Jahowa. Asa, ndang holan sada ragam dalan mangendehon Jahowa. Ingkon paloasonta dohot heheanta do angka kreativitas ni sude ruas (na metmet sahat tu na matua) laho mengekspresikan pamujionna di Jahowa. Holan i tutu, ndang sai ingkon di sude inganan dohot partingkian i; adong be ma angka partingkian na tontu tu angka i.

7)     “Na ro do Ibana muse manguhum saluhut bangso” (ay.9). Ndang adong tung sada sian jolma dohot sian na tinompa i na boi luput (malua) sian paruhuman ni Debatanta i. Alai, diboto hamu do ise na manontuhon disi? Holan Tuhan Jesus do. Ibana do sitiop anak hinsu ni banuatoru (Pangk.1:18). Bolan Ibana do na layak mamuha buku hangoluan i (Pangk.5:5ff). Ai Ibana do Birubiru i na mandok: :Na tama do Ho manjalo buku i jala mangungkap angka sahapna, ai naung tarbunu do Ho jala marhitehite mudarmu ditobus Ho do tu Debata jolma sian saluhut marga, hata, houm dohot bangso” (pangk.5:9). Ndang arta manang hamoraon manang hasangapon ni jolma. Holan Tuhan Jesus Kristus do. Ala ni i, dohot ma hita mangendehon ende na imbaru di Ibana.

 

C. Sipahusorhusoron.

Naeng enetonta ‘pesan teologi’ niturpuk on marhite topik ni minggunta Pesta Natal II-hon on mandok: “Nunga Dipabotohon Jahowa Haluaon Tu Hita” ima hasosorang Sipalua i, ima Jesus Kristus i. Gumodang ma taparrohahon angka na masa di humaliang huhut itabilangbilangi jala italapati anggiat taida pangulaon ni Debata paluahon hita sian ragam ni hamagoan. Laho patulushon i itapaumbuk ma pesan teolohi na hinangham ni turpuk on tu panghaporseaonta di pangulaon ni Debata:

1)     Mangendehon haluaon na pinatupa ni Debata. Halongangan bolon do ngolunta sian ari tu ari. Ai hira so mansohot do angka mara na sonson di portibi on. Didok na pistar, molo lam godang hita marende, dilehon i do di hita godang manfaat. Lam timbo do intelektualitas ni angka na malo marmusik. Pintor sonang do roha, mago arsak molo dung binege ende na uli, tarlobi molo marende. Tamba do semangat molo karejo hita huhut marende (songon angka tentara). Musik adalah bahasa dunia, na boi pasadahon portibi na marmansammansam on. Marhite musik do ummura hita pasahathon angka ide-ide manang mangapil sesuatu (isarana goar goar ni buku Bibel i, manang maretong tu angka dakdanak).

2)     Pangiar soaram mamuji hasintongan ni Debata. Angka na mamuji Debata ima na manada Debata dohot pasupasuNa. Hitunglah berkat Tuhan yang baru, naung tajalo ganup ari, ima na mandorong hita asa mangendehon ende na imbaru siganup ari. Ala ni i godang ma hita marende, andorang so diorai manang andorang boi dope hita marende (bernyanyilah sebelum bernyanyi itu dilarang, atau sebelum anda tidak bisa lagi bernyanyi). Rumang ni pamujion i manggombarhon “suasana pesta”, adong soara ni ogung, arbab, sarune, dna, ndang “suasana hikmat”. Atik na ringkot nama pareahanta angka rumang ni pamujionta na “lebih meriah” angkup ni na adong hian, ima na “hohom”, “hikmat.” Nian, ndang apa di rumang parduruna manontuhonsa, alai nang pe songon i tongtong adong pangontak ni rumang parduru dohot parbagasan, ai si sada hasadaon do i.

3)     Marhite Pesta Parningotan Hatutubu ni Tuhanta Jesus Kristus na paduahon on (Natal II) lam las ma rohanta mamuji muji Debata. Ditogutogu panindangion ni parpsalmen on do hita asa itahangoluhon ende na imbaru di Debata tu sandok na tinompa. Ima pamujion na patujolohon panandaon, pangokuon di haluaon na pinatupa ni Debata di ngolunta sandiri sinuaeng. Laos huhut do itahangoluhon ma unok ni haporseaon na mandok: Paluaon ni Debata do hita sian ragam ni hasusaan. Malua sian parhatobanon ni na deba nang dosa ai nunga ro Tuhan Jesus manaluhon dosa i. Amen. (Pdt.Ebenezer Munthe, M.Th)

Jamita Evangelium Natal I, 25 Desember 2024

Manomba Jesus Anak Ni Debata

(Menyembah Yesus Anak Allah) 

Hener 1: 5-12

==============================

 

1. Huria ni Tuhanta dibagasan Jesus Kristus, ia panurat Heber on na naeng patoranghon tu hita ia Jesus ima Anak ni Debata na marhuaso manjanghon nasa na adong. Marhite on na patuduhon ia Jesus Kristus i na marhuaso doshon Debata Ama i. Jala taingot ma na nidok Jesus di Mateus 11: 27 7 Saluhutna i, nunga dipasahat Damang tu Ahu; asa ndang adong na tumanda Anak i dungkon ni Ama i; Ama i pe, ndang adong na tumanda i, ia so holan Anak i, angkup ni na pinodaan ni Anak i, mangihuthon lomo ni rohana.
2. Jala di Mateus 28: 18 - Dung i didapothon Jesus ma nasida, didok ma: Nunga sahat tu Ahu nasa huaso na di banua ginjang dohot na di tano on.Di pangantusion ni halak Jahudi holan Debata do na marhuaso di surgo dohot di portibi on, ndang adong na asing na boi dipatudoshon dohot Debata i.
3. Dipatorang panurat buku on do muse ia Debata na marmahani bangso Israel bungkas sian Misir tu tano Kanaan, laos songon i do Jesus na marmahani nasida dipardalanan ni hpaorseaon nasida. (ptds. 13:6,8). Jesus do panondang hamuliaon ni Debata jala gombaran ni Debata na manuhuk saluhut nasa na adong, HataNa na gok huaso. Marhite pandohan di ay.3 songon sillam dohot suman di hadirionNa na paboahon ia Jesus sada sian haataran ni Debata na so tarida i (ptds. Joh.14: 9; Kol.1:19). Aing ni i adong do huaso ni Jesus na mansai balga na dosohon dohot Debata Ama i. Dituhuk Ibana do sude marhite hataNa na gok huaso. Sian i sahat ma hita na mangantusi taringot tu panompaon, na ditompa Debata do langit dohot tano on marhite HataNa asa saluhut na hita diarahon laho marnida Jesus na gok huaso i.
4. Godang do parsorionta songon jolma hita di portibi on, ala ni i diarahon panurat on do hita asa mananda ise do Jesus Kristus i dibagasan ngolunta. Molo tajaha di Hebere 1: 1 – 3 Ibana ma na manompa,  panean, pasingkophon, panggomgomi ni hangoluan, sillam ni hamuliaon ni Debata. Diburi Ibana do dosa ni manisia na hundul disiamun ni Debata.
5. Hasangapon ni Jesus na dumao timbona sian salauhut surusuruan, na paboahon, dumao timbona, dohot ulina. Asa sirangonta do parasingan ni surusuruan dohot Kristus i.ima:

1)      Na ditompa do surusuruan i, Jesus dohot do Panompa. Jolma ditompa songon tondi na diborhon dohot daging, alai surusuruan i  na ditompa songon tondi na polin so pola mardaging. Molo binatang na ditompa dohot daging jala martondi alai ndang adong tiruan sian Debata.

2)      Halak Israel porsea, ia surusuruan i ima na manggulmit na jonok dohot Debata, alai Jesus Kristus ndangna jumonok dohot Debata, alai Iaban do Debata, oknum napaduahon sian Debata Sitolusada.

3)      Surusuruan didok do angka anak ni Debata,alai Jesus Kristus ima Anak sasada ni Debata. Nang di Buku 1 Musa nang di Buku ni si Job dipaboa do angka surusuruan i angka anak ni Debata, alai ia Jesus Kristus ima Anak sasada Debata na ro sian Debata. Ai songon on do holong ni roha ni Debata di portibi on, pola do Anakna na sasada i dilehon, asa unang mago ganup na porsea di Ibana, asa hangoluan na salelenglelengna di ibana (Joh.3:16). Jadi hak istimewa na asong di Jesus na so dapot hita di angka surusuruan i.

4)      Angka surusuruan i do digoari na manghobasi angka parangan na badia  ni Tuhan Debata, alai Krisus do Raja ni saluhut surusuruan i. Angka surusuruan i na berfungsi balga laho manghaliangi harajaon ni Debata huhut marsoara, nabadia, nabadia, nabadia huhut marsialusalusan (Jes.6: 1 – 6).

5)      Surusuruan ima eksekutor ni panguhuman ni Debata marhite prinsip ni hatigoran dohot hasintongan,alai Kristus i sandiri do hasintongan dohot hatigoran ni Debata.

E. Refleksi

1)      Ia angka surusuruan i ima pardisurgo na ditompa Debata na mangula laho manghobasi di HarajaonNa. Ndang adong na istimmewa na dilehon Debata tu nasida, ia so songon parangan na ditugashon laho manghobasi asa ndang mangalobii hajongjonganna sian Kristus i sandiri na gabe Anak ni Debata sandiri.

2)      Tungkot Harajaon ni Debata ima tungkot ni hasintongan na gok hatigoran dohot huaso na so marbatas dilehon Debata marhite Jesus Kristus, na patuduhon ia pamarentaon ni Kristus sai tongtong do dibagasan dame dohot las ni roha. Manang ise pana dibagasan huasoNa sai dapotan hatigoran dohot hasintongan do, siala harajaonNa i mangatasi angka hajahaton.

3)      Huria na sai manghajongjonghon Harajaon ni Debata ditonga ni portibi on sai marsiajar sian dasor ni harajaon ni Kristus. Harajaon na patujolohon hatigoran dohot hasintongan, ndang adong na papeol uhum disi dinalaho mangulahon angka tugas dohot tanggung jawab. Tungkot ni HarajaonNa ima tungkot hasintongan na marmusuu tu hageduhon nang angka na so tigor na maralo tu parange na ginjang roha, egois, na mangulahon korupso dohot nepotisme na so saurdot dohot lomo ni roha ni Debata.

4)      Tu hita na porsea dilehon do huaso ni Kristus i, asa unang ma tapergunahon tu angka na so marlapatan, manang holan mangahut tu diri, pamorahon diri, mangangkupi halak, mongkus dihuaso di huria, manang jabatan pemerintahan dohot na asing. Molo nunga adong huaso ni Kristus i, asa mangula jala marpangalaho songon Kristus i ma hita, na mangula angka ulaon na bertanggungjawab, na satia, marsitutu mangulahon na denggan. Tasomba ma Jesus naung sorang i marhite ulaon na hombar tu HataNa. Amen.

Jamita Evangelium, Parpunguan Bodari, 24 Desember 2024

HALALAS NI ROHA GODANG TU SALUHUT BANGSO 

(Lukas 2:8-14)

==============================

 

1. Huria ni Tuhanta dibagasan Jesus Kristus, Sadari on las ni rohanta mamestahon ari parningotan hatutubu ni Jesus Kristus Sipalua i. HasosorangNa tu portibi on mamboan las ni roha bolon tu angka surusuruan, pardisurgo, angka parmahan, angka halak majusi nang hita slauhutna siihuthon Ibana.

Marhite Topik naung sahat tu hita paboa: Halalas ni roha godang tu saluhut bangso” paboa las ni roha ala hasosorang ni Jesus Kristus i 2024 taon na salpu di portibi o di huta Betlehem. Dibaritahon surusuruan i do paboa “Sadari on nunga tubu Sipalua i,ima Jesus Kristus di huta ni si Daud”. Lapatan ni “sadari on” ima:

1)      Asa namasa hatutubu ni Jesu si ndada holan na masa di hatiha i alai sahat tu partingkian sisaonnari on pe hot do pe hasosorangNa i. Jesus na sorang i ndada di na uju i, alai, dipartingki an on ro do Ibana tu parngoluonta.

2)      Hasosorang ni Jesus mansai ringkot situtu tapestahon siganup ari. Boi do tadok holan di Bulan Desember ma tapestahon. Alai unang lupa hita parngoluontya dohot Jesus Kristus i ndada holan dibagasan pesta nataldi Bulan Desember i alai sai tongtong ma tapestahon siala “sadari on” naung sorang Jesus i di rohanta, di panghataionta, diparangeta, di panggulmiton ni ngolunta ganup marsadasada.

3)      Hasosorangg ni Jesus i ndang mansohot di uju i sambing. Pangantusion ia Jesus na sorang i na uju i boi do mambahen husaoNa i holan di na uju i sambing. Hape Jesus naung sornag 2024 taon salpu hot do di pamingkiron, dipoda, nang hatana i mangolu jala marhuaso sadari on., asa molo mangatusi huaso na holan na uju i do , boi gabe kecewa hita, jala ndang maju be haKristenonta. Asa manganatusi Jesus di partingkian on, sadari on, ima na mambahen hita maju mangalangka manandinghon ngolu na robi mandapothon ngolu na dibagasan Jesus Kristus.

 

B. Barita las ni roha na gabe partingkian na mansai ringkot diparngoluon ni angka parmahan i, jala laos barita las ni roha nang barita na uli na gabe pangkirimon tu saluhut bangso nang saluhut manisia di portibi on. Ala ni i didok dibagasan turpuk on “unang ho mabiar, ai barita halalas ni roha godang do na hubaritahon tu saluhut bangso”(ay.10). Na gabe sungkunsungkun, tu ise do Jesus sorang? Didok Lukas di turpuk on; sadari on naung sorang dihamu, pandohan “di hamu” ima na martudu tu angka halak na langsung manghilalahon na masa i, ima:

1)      Tu natorsNa ima si Josep dohot si Maria, nang pe natoras ni Jesus nasida nadua, ala ringkot do di nasida Jesus i dibagasan ngoluna. Dohot do tu angka parmahan, na sorang do Jesus di tonga ni angka parmahan na mangula hatiha di laho manjaga angka dorbiana. Angka parmahan i mangharingkothon Sipalua, asa sorang di tonga nasida.

2)      Patuduhon tu angka na so terlibat secara langsung di na masa i, angka ise ma nasida ? ima angka jolma na di Padan na rob ii, na so rnag do Jesus di halak Jahudi naung adong andorang sorang Jesus i. Naung monding do nasida di ragam na masa, asa dohot do tu nasida Jesus sorang, ai ringkot do di nasida Sipalua i, ima Jesus Kristus i. Jala ala pinompar ni si Daud do Ibana.

3)      Tu saluhut bangso, na sorang do Jesus tu saluhut bangso, na marlapatan angka bangso i mangharingkothon Jesus Sipalua i. Asa andorang so manaek Jesus tu Banuaginjang, dipasahat Ibana do tona: “Laho ma hamu podai hamu ma saluhut bangso, didi hamu ma nasida tubagasan Goar ni Ama. Anak dohot Tondi Parbadia!

3)(Mat.28:19).

4)      Tu saluhut jolma pardosa. Sian na tarsurat di bibelta i paboahon naung madabu tubagasan dosa do jolma i. Rom 3: 23 Ai ndang adong imbar ni i: Tung saluhut do nasida mardosa jala ndang dapot pujion ni Debata nasida.

4)Ala ni i sorang Jesus tu saluhut jolma pardosa. Ise ma sian hita na so mardosa ? saluht do mardosa, ndang na ro Jesus tu na so mardosa.

c. Hatutubu ni Jesus ima Sipalua i dihata Indonesi “Juruselamat” na sorang do dihamus adari on Sipalua i (Juruselamat), siala dipalua do hita sian: uhuman ni dosa, sian huaso ni dosa, siam pangalaho dosa. Ibana ma Tuhan na marhuaso di portibi on dohot di surgo i dohot di banuatoru (Mat.28:18). Nunga ro si parmonang i, las ma rohanta. Songon topik na sahat tu hita: “Halalas Ni roha tu saluhut Bangso”. Na monang do hita marhite Jesus Kristus na sorang i, ala monang hita maralohon sibolis i las ma rohanta, soang ma rohanta. Halals ni roha godang i ala naung sorang Kristus di bagasta be, diluatta nang di bangsonta. Tapasahat ma halalas ni roha godang i naung tubu Kristus i tu saluhut portibi on. Selamat Ari Natal.Amen.

Jamita Evangelium Minggu Advent II – 8 Desember 2024

Pauli  Hamu Dalan Di Jahowa     

 (Persiapkan Jalan Untuk Tuhan)

Jesaya 40 :1 - 5

 

1)     Huria nahinaholongan dibagasan Jesus Kristus, Di ayat 1-2 didok; “Apuli Ma Bangsong-Ku”= Halak na dibagasan sitaonon, berduka, (1 Musa 37:35), roha na magopu dohot na marsahit (Job 2:11) tung ringkot situtu taruli di apulapul; songon i do nang halak Israel dung halelengse ni Jerusalem: “ndang adong nanggo sahalak na sai laon na mangapuli ibana” (And. 1:2). Tartaban di habuangan Babel, halak Israel manghilala tung so adong be panghirimon di nasida. Didok nasida: “Ai holang do sian ahu sipangapul na pasabam rohangku” (And. 1:16). Holan sada nama sipangurupi: Ima Debata sandiri, marhitehite jala na marojahan tu hata-Na. Sasintongna holan Debata do na tuk mangalehon apulapul na sumurung (Jes.51:12 Ahu, ahu sandiri tutu na mangapuli hamu. Jala impola ni apulapul ima na ro do Tuhan i manjou angka jolma na marserak di Babel. Jala didok Debata do di Jesaya 51 : 16 Bangsongku do ho!. Ai satia do Debata jala hot do padanna i naung dipadanhon sian tingki ni si Musa di 3 Musa 26: 12 “Jala Ahu mardalani di tongatongamuna, jala Ahu gabe Debatamuna, jala hamu gabe bangsongku.” Padan na robi i  nuaeng di pamasa. Diihot Debata do diriNa tu bangsoNa, disi ma Ibana mangalehon haluaon dohot hangoluan. On ma apulapul na sumurung i na ro sandiri sian Tuhan Debata.  

2)     Huria ni Tuhanta, Marhite on tangkas ma, Debata ro ndang dibagasan rimas-Na alai dibagasan holong na manjanghon dohot paluahon. Didok Debata mandok bangso-Na marhite haluaon i: “Nunga marujung parungkilonna.” Na gabe unok pamaritahonon ni Panurirang Jesaya tu bangso Israel na tongon marsitaonon di habuangan Babel, ima tona pangapulion, penghiburan. Tona i dipungka marhite pandohan joujou laho “mangapuli” bangso ni Debata. On patuduhon, nang pe bangso i naung mardosa, manundalhon jala manadingkon Debata, alai tongtong do Debata marasi ni roha, memiliki belas kasihan, laos marsangkap mangapuli bangso-Na i. Pandohan: Apulapul ma dok hamu tu roha ni isi ni Jerusalem. Tona i dipasahat tu bangso ni Debata asa taruli di hasesaan ni dosa nasida huhut nunga marujung parungkilon nasida, ai nunga salese dosa na i, ai nunga dijalo sian tangan ni Jahowa silompit dua singkat ni saluhut dosana (ay.2).

3)     Huria ni Tuhanta di Ayat 3-5: didok do “Patigor Hamu Dalan di Debata”. Pandohan on  pabotohon taringot tu hadirion ni Debata na berinisiatif laho pasahathon haluaon. Keselamatan itu adalah inisiatif Allah dalam menyelamatkan umatNya dan memenuhi janji keselamatan yang telah disampaikan dalam firmanNya. Ndang bangso Israel na paluahon dirina sandiri sian panguhumon. Alai haroro ni Debata do na gabe panghirimon tu bangso Israel. Pandohanon martudutudu tu haroro ni sahalak partogi nanaeng “patigor diadaran dalan balobung tu Debata.” Torop angka pande bisuk mandok sebagai penggenapan dalam figur Yohanes Pembaptis, yang mempersiapkan jalan bagi kedatangan Kristus. Ayat on marlapatan, nang halak Israel na manghilala terabaikan dan dilupakan, namun Allah tetap memiliki rencana penyelamatan yang besar. Pangondolhonon di hata “dalan”, marlapatan ringkot laho paradehon, mempersiapkan, roha dohot pingkiran nang sude gulmit ni ngolu laho manomunomu haroro ni Tuhan na Badia i. Jala dung masa saluhutna i, hasangapon ni Debata dipapatar tu saluhut bangso, laos sude rap marnida songon dia huaso dohot holong ni Debata mangula dingolu ni bangso na hinaholonganNa i.

4)     Huria na hinaholongan dibagasan Jesus Kristus; Nunga bongot hita tu Minggu Advent II, na marojahan tu tema “Pauli Hamu Dalan Di Jahowa.” (Persiapkan Jalan Untuk Tuhan) Tema on mangarahon hita asa parade roha dohot pingkiranta be laho manomunomu haroro ni Tuhan Sipalua, Sipangapul dohot Sibahen las ni roha i. Paradehon diri secara aktif di bagasan parsaoran dohot Debata manang membangun hubungan yang baik dengan Tuhan. ndang dijua Debata pangidoanta jala ndang dipasombu hita mamolus angka na paet i. Jesus do padomuhon hita tu Debata Ama I asa parjambar hita dihangoluan na salelenglelengna. Haluaon, pasupasu, dohot pangapulion dikaithon tu haroro ni Debata tu angka jolma na tongtong satia tu Ibana. Karakter dohot gaya hidup na dihalomohon Debata ima songon bentuk pangaradeon diri manang paradehon dalan di Debata. 

5)     Di Partingkian na parpudi on di na managam haroro ni Jesus i, lam torop do jolma nunga ndang mangolu be rohana, nga lam dao sian Debata. Haholongan i pe nunga lam mahiang, nunga lam tasikon hinorhon ni elaela ni partingkian dohot kemajuan jaman on. Roha nang partondion na so hot, jala meoleol, mimbar rohana jala ndang togu, ingot ma hangoluan ni jolma i tarbatas do ndang adong na manongtong, songon bunga-bunga dohot duhut duhut i do i, tongkin do mangerbang bunga bunga i jala malos do i muse dungi mate. Ala ni i tapangke ma partingkian na jompok on di portibi on dohot ulaon na tama jala marguna di hita nang di portibi on. Angka naung manjalo haluaon sin Jesus Kristus i sai tongtong do mangulahon lomo ni roha ni Debata mamaritahon Barita na uli i. Atik boha di partingkian on, godang dope sian tongatonganta na gale jala ndang adong be pangkirimonna, asa turpuk on ma na gabe apulapul nang hagogoon tu hita. Ungkap ma rohanta di gohi asini roha ni Debata asa adong pangkirimon laho manjalo haluaon na sian Tuhanta i. Amen.

 

Jamita Evangelium Minggu Adven I – 1 Desember 2024

ungo Jala Manongtong Martangiang      

 (Berjagajaga Dan Berdoa Senantiasa)

Lukas 21: 25 - 36

 

1)     Huria nahinaholongan dibagasan Jesus Kristus,  “selamat advent jala selamat taon baru parhuriaon ma di hita saluhutna”. Nuaeng masuk ma hita tu Minggu Advent naparjolo. Advent manang Adventus di hata Latin marlapatan haroro (kedatangan). Jala somal do nang didok, Advent i ma parade diri manomu haroro ni Sipalua i. Sejak masa Gereja awal, umat beriman telah menantikan kedatangan Kristus kembali, hingga akhirnya peringatan masa Adven terlihat pada abad ke-6. Pada abad ke-6 ini, orang Kristen Roma telah menganggap Adven sebagai masa kedatangan Kristus sebagai hakim dunia. Barulah pada Abad Pertengahan, masa Adven dikaitkan dengan kedatangan Kristus yang pertama di hari Natal. Pusat perhatian dalam masa ini adalah perayaan akan kelahiran Kristus pada Kedatangan-Nya yang pertama dan penantian akan Kedatangan-Nya yang kedua sebagai Raja.

 

 

2)     Huria na hinaholaongan dibagasan Jesus Kristus; Ay. 25-28  ayat ini mengatakan mengenai saatnya, yakni: pada masa itu /alai di angka ari i”,  mataniari na gabe mangholom, panuratan on ndang apala tangkas maksudna jala ndang boi ukuran na pinangke taringot hasusudana. Alai di evangelium Lukas ndang marlangku istilah i asa unang tarboan angka na manjahasa laho mangalului lapatan ni andigan arina i, alai dibahen do istilah “ari parpudi”. Molo didok pe diturpuk on ndada asa lam malo hita mamereng angka na masa parhusoran ni angka bintang nang gerhana matahari, manang laho meramalkan. Alai songgot do masa i tu hajolmaon mambahen tarsonggot sude jolma siala ni angka na masa gejala alam songon gerhana matahari, angka banjir, longsor dohot angka lalo nang angka na asing. Jala disada partingkian, di songgot ni tingki i ro ma ari parpudi ima tanda na ro ma “Anak Nijolma” i marhite huaso dohot hamuliaon na songon “Panguhum Portibi on”. Marasing dohot angka na so porsea na mangolu i dibagasan hatahuton dohot biar ni roha. Angka na porsea i na manomunomu haroro ni Anak ni Jolma i tongtong dibagasan pangkirimon dohot las ni roha siala haroro nai do na gabe dalan haluaon. (Patd. BE.52: Hatuaon do las ni roha do Hatutubu ni Jesus i; Mago do jolma ro ma Tuhanta las be, las be ma rohanta i; Mago do jolma ro ma Tuhanta las be, las be ma rohanta i.)

3)     Umpama na ni dok di Ayat 29 – 33 on ima: Molo nunga ro ari parpudi i, jala nunga ro Anak ni Jolma I, lapatanna: Nunga ro Harajaon ni Debata. Kerajaaan Allah sudah pasti datang, seperti kita mengetahui dengan pasti bahwa musim panas datang, apabila kita lihat bahwa pohon-pohonan bertunas; sebab musim dingin pohon-pohonan seolah-olah mati. Alani, di ay. 33 on di ondolhon taringot tu hata naung pinasahat ni Jesus, saut do saluhutna i. Bukan pertentangan antara yang fana, yang akan binasa dan yang baka, yang tidak akan binasa.

4)     Di Ayat 34-36 on di ondolhon si Lukas do asa sude angka na porsea i, dungo , siap sedia untuk bertindak, seperti seorang hamba yang menantikan kedatangan tuannya.  Marjea do angka na porsea i molo tarpodom, berfoya-foya, mabuk di tingki paimahon haroro Anak ni Jolma i. Alani, Dungo jala manongtong ma hita martangiang. Martangiang ma hita asa boi hita manahan jala di dongani Tuhan i laho paimahon jala manomu haroroNa na paduahalihon i.

5)     Huria na hinaholongan dibagasan Jesus Kristus, ia Advent, lapatanna: Haroro (Kedatangan). Taparade ma dirinta laho manomu jala manjangkon haroro ni Kristus i. Simbol rajani tercermin dalam warna ungu pada lilin-lilin Adven, yang dinyalakan pada Minggu Adven I, II, dan IV. Sedangkan pada Minggu Adven III dinyalakan lilin berwarna pink yang menggambarkan sukacita karena penantian hampir selesai dan kedatangan-Nya semakin dekat. Sejak Abad Pertengahan, orang Kristen memiliki tradisi menggunakan ”Adven Wreath” (Lilin Adven), yaitu rangkaian lima lilin dan tumbuh-tumbuhan hijau yang membentuk sebuah lingkaran, sebagai bagian dari persiapan rohani menyambut Natal karena Kristus adalah ”Terang yang telah datang ke dalam dunia” (Yohanes 3:19-21). Dan sejak tahun 1600, gereja mulai memiliki tradisi formal tentang”Adven Wreath” (Lilin Adven). Empat lilin di bagian luar menggambarkan masa empat abad penantian bangsa Israel akan seorang Juru Selamat, yaitu sejak jaman nabi Mikha hingga kelahiran Kristus. Ke empat lilin ini akan dinyalakan sesuai jumlah Minggu Adven, dan juga merupakan simbol akan datangnya Sang Terang yang membawa Harapan, Damai, Kasih dan Sukacita dalam dunia yang gelap. Lilin yang berada di tengah menggambarkan Yesus, Sang Juru Selamat. Lilin ini akan dinyalakan pada Kebaktian Malam Natal sebagai lambang bahwa masa penantian telah berakhir karena Sang Juru selamat telah lahir. Sedangkan daun yang membentuk lingkaran menggambarkan Allah, kekekalan-Nya dan kasih anugerah-Nya yang tidak terputus. Daun yang berwarna hijau menggambarkan harapan selama masa penantian tersebut. Bagi umat Kristen, masa ini memiliki dua arti, yaitu perayaan akan kelahiran Kristus pada kedatangan-Nya yang pertama dan masa penantian akan kedatangan-Nya yang kedua sebagai Raja.

Topik ni minggunta na mandok: Dungo Jala Manongtong Martangiang (Berjagajaga Dan Berdoa Senantiasa) Ndang haroro taringot tu hatutubuNa be sipaimaonta alai Hobas ma hita laho paimahon haroroNa padua halihon ala PASTI do haroroNa i. Haroro ni Kristus i mamboan jala mangalahon panghirimon dohot las ni roha do di angka na porsea. Alani, manongtong ma haporseaonta laho manghophop Tuhan i. Tapasidung jala tajaga ma dirinta sian utiution ni sibolis dohot portibi on. Asa angka na porsea i manjagahon dirina, jala mamatahon pangalahona asa unang atrrobung tu sikap nang pangalaho kompromistis, songon pandohan ni halak Batak: eme na masak digagat ursa, ia i na masa ima na tapatupa, unang gabe terbawa arus jaman na gok angka pangalaho haholomon. Ala ni i tongtong ma hita solhot tu Tuhan i martangiang dohot na ringgas mangulahon Hata nang patik ni Debata. Mangolu dibagasan Hata ni Debata do na mambahen hita jaga jala dungo. Dungo jala manongtong ma hita martangiang laho paimahon Haroro ni Kristus na padua halihon. Jangan lewatkan saat-saat teduh dimana kita bisa membangun hubungan yang terus lebih dalam dengan Tuhan. Jangan berhenti untuk terus membekali diri kita dengan firman Tuhan yang hidup. Jangan menghindar tapi tetaplah biasakan diri untuk bersekutu bersama saudara-saudari seiman yang bisa saling menguatkan satu sama lain. Dan tetap libatkan Tuhan dalam apapun yang anda 

Jamita Epistel Minggu XXIII D.Trinitatis – 3 Nopember 2024

Manghaholongi Tuhan Debata Dohot Dongan Jolma

 Mengasihi Tuhan Allah Dan Sesama Manusia

 5 Musa 6: 1 – 9 / Ulangan.

 

a)       Huria ni Tuhanta, ia Buku 5 Musa on ima marisihon hahotan ni na nanung pinsahat dohot na binahen ni Debata marhitehite si Musa tu bangso Israel asa, songon pomparan na imbaru na naeng mamasuhi tano parpadanan, asa hot nasida burju maniop dohot mangaradoti patik nang na tinotophon ni Debata. Asa marhite tona ni Debata, diajarhon si Musa do parenta nang natinotophon ni Debata tu bangso i asa diulahon dohot burju, jala sai torus diulakhon manang tu dia pe laho naisada, saleleng mangolu sai tongtong marhabiaran tu Debata Jahowa. Marsihothot laho mangaradoti patik nang Hatani Debata asa uju dibotngoti nasida tano na gok susu dohot si tuak ni loba i, tarpasupasu ma nasida dohot ganjang ni umur, hadumaon, halasan, gok silas ni roha jala marpinompari (1-3). Ala ni disosoi ma bangso i, mandok:

b)      (ay.1-3): Antong tangihon ma i, ale Israel, jala ringkoti mangulahon angka i, asa marhasonangan ho, jala asa lam torop situtu hamu, songon naung pinorbagabaga ni Jahowa Debata ni angka ompum tu ho, di tano habaoran ni susu dohot situak ni loba. Hata Shema – Hata Heber Shama, alapatanna; tangihon dohot denggan, manat, jala tinggil jala diulahon dohot burju tona ni Tuhan Debata na sasada i, ndang adong na asing. On ma sada panindangion na ingkon diingot jala diulahon bangso Israel asa unang tartait rohanasida manang tarela tu panombaon na asing. Ido alana di tradisi ni ugamo ni halak Jahudi, panindangion i mansai ringkot do dipasahat, didok dua hali siganup ari; ima di manogot dohot di bodarina.

c)       Ay.4-5; Panindangion ia Debata na sasada i ndada holan parningotan sambing, manang na niapil, ndada holan parbinotoan, ndada na so tangkas alai dohot do di butkihon dibagasan pambahenan laho manghaholongi Tuhan Debata sian nasa roha, nasa ateate dohot sian nasa gogo (ay.5). Lapatanna sian saluhut parngoluonta i; roha, ateate nang hagogoonta i asa tartuju, terfokushon tu sada tuuan ima laho manghaholongi Debata. Tanda na manghaholongi Tuhan i hibul, ima marhite haburjuon, hasatiaon laho mangulahon patikNa, songon na niajarhon Tuhan Jesus di Johannes 14: 15 “Molo na holong rohamuna di Ahu, radotanmuna do angka patikku.”

d)      Ay.6-7; Ala ni i parenta ni Debata na dipasahat nang na ni ajarhon  tu bangso i ingkon sai torus manorus manang berkelanjutan tu sundut na mangihut, asa angka naung pinasahat i ingkon diparrohahon nasida. Hata ingkon di son lapatanna unang gabe leas, jala ditadingkon, alai ingkon wajib do di parrohahon, ganup parenta, na tinotophon, manang paraturan ni Tuhan i ingkon wajib diparrohahon, Tu dia ma i ? ima laho diulahon dohot satia jala ditorushon, diajarhon marulakloni tu angka gellengna, dihatai, ditaringoti, dipandohi di tingki hundulhundul dijabu, manang di tingki dipardalanan, manang uju peak naneg mangulon dohot di tingki hehe (ay.7). Pandohan “gogohanmu” (berulang-ulang) dilapati sian hata heber-wsinantam sian hate kerja-Sanan, alapannta; marulakulak diajarhon, jala torus. Asa tona ni Debat ai diajarhon, dipasahat ganup tingki, marulakulak, ndang marbatas di tingki nang inganan, didia pe, manang dibagas nasida be, manang di luar ni bagas nasida, uju mangula, manang angka siulaon nang uju mangulon pe. Lapatanna saluht totalitas ni parngoluon nasida dibahen ma gabe dalan nang kesempatan laho pasahathon dohot mangajarhon patik nang naung ditotophon Debata. Lapatanna ndang holan diajarhon parenta nang tona ni Debata, jala ndang holan hata hata sambing, dohot do nang parange, na gabe ciri khas, na gabe lifestyle, role model, habitual action, hasomalan ni bangso ni Debata. Asa tudos na nidok ni Ap.Paulus di 2 Korint 3: 2 “Hamu do suratnami, naung sinurathon tubagasan rohanami, na tinanda jala jinaha ni saluhut jolma.” Ngolunta on do na marbarita na uli, ala nasa na taulahon i gabe barita na uli, na jinaha ni torop halak, sian parange, pangalaho na hombar tu Hata ni Debata. Ganup na porsea i molo mangolu di Hata ni Tuhan i, na gabe sorminan ni ngolu siganup ari tu halak na so mananda Kristus i. Ala naung marsorminan do hita tu Hata ni Debata, mian ma HataNa i ala naung tahangoluhon, ala naung tapasomalsomal, ala naung diulahon torus asa diida halak ma na siihuthon Kristus hita. Ima kesaksian manang panindangion haporseaon na so holan lipservice alai do action di ganup partingkian.

e)       Ay.8-9; Ala ni disosoi muse; “Jala ingkon rahuthononmu angka i bahen partinandaan di atas tanganmu, jala bahen parningotan di holangholang ni matam. Jala ingkon surathononmu angka i tu tohang ni jabum dohot tu panggumbanganmu.” Rahuthonon, lapatanna, parenta nang patik ni Tuhan i, ingkon siulahononhon. “holangholang ni mata, lapatanna sai ingoton ma i, unang dihalupahon, saluht na piningkiran, sude na niulahon marharoroan sian parenta nang sangka ni Debata, marmaul sian ngolu na biar mida Debata jala manghaholongi Ibana. Dungi pandohan; “.....surathononmu angka i tu tohang ni jabum dohot tu panggumbanganmu.” (ay.9), lapatanna; uju bungkas sian bagas, manang tu luar ni huta mamolus pangumbangan asa totngtong ingot laho mangulahon tona nang lomo ni roha ni Debata, manang didia pe nasida ingkon sai tongtong satia jala marhabiaran dohot manghaholongi Debata Jahowa. Ala ni ulang manghalupahon Debat Jahowa, ingot ma marhite hata nang patikna i dinasa siulahon siganup ari manang diluat dia pe hita maringanan manang mangula angka siulaonta.

f)        Huria ni Tuhanta disosoi do hita sian turpuk on dohot topik: Manghaholongi Tuhan Debata Dohot Dongan Jolma (Mengasihi Tuhan Allah Dan Sesama Manusia) laho manjou hita:

ü  Naparjolo, adong tanggung jawab di ganup na porsea manang natoras laho mangajarhon torus (continue), ndang marnasoan, manang didiape Hata ni Tuhan i. Asa sai hot mangolu keluarga laho manghaholongi Debata jala biar mida Ibana di nasa panggulmiton ni ngoluna. Mangolu dibagsan hasatiaon asa tarpasupasu ngolunta nang pinomparta. Taingot ma Jesus naung hehe sian na mate ndada holan na hehe, alai tong dope ajarhononna angka patik ni si Musa i laho mambohali dohot paingothon angka siseanNa dipangajarionNa i, dung i pe asa manaek Ibana tu Banuaginjang i.

ü  Napaduahon, pahothon pondasi haporseaon na togu di tonga ni ganup keluarga. Di tantangan kemajuan jaman sinuaeng on boi do sai marulakulak angka informasi manang barita na taida jala tabege mambahen pengaruh na so denggan tu hita molo ndang togu pondasi ni haporseaonta. Ala ni i sai manat ma angka natoras asa marulakulak diajarhon Hata nang patik ni Debata. Diparpunguan keluarga i mansai ringkot do i sipatupahonon, adong dipamasa saat teduh, keluarga, ibadah keluarga, pertemuan keluarga; disi ma rap mamuji Debata, merenungkan Firman dohot aplikasina. Asa disi ma dipamanat angka natoras manungkun gellengna ganup kegiatan nang aktifitasna dohot pergaulanna unang gabe manegai kondisi mentalitas dohot moral ni anakonna, adong poda sipasingot dohot ajaran nang petuah, wejangan ni natoras tu gellengna, asa hasea, marroha, manat di ganup partingkian.

ü  Napatoluhon; Ngolu na gabe teladan. Alani i natoras ndada holan marulakulak holan dipandok hatana nang jarhononna Hata ni Tuhan i, ingkon dohot do parange nang pangalaho na gabe teladan hidup. Anak akan selalu melihat,mendengar dan melakonkan yang dierbuat oleh orang tua. Asa songon pandohan ni halak Batak "Salah mandasor, sega luhutan." Pepatah bahasa Batak ini bermakna salah membuat dasar, maka rusaklah bangunan di atasnya. Tidak ada anak-anak yang serta merta tumbuh menjadi pribadi yang disiplin, semua adalah proses yang dimulai sejak kecil. Itulah mengapa banyak ilmu-ilmu parenting yang mengajarkan supaya para orangtua tidak hanya memberikan arahan ini itu, tidak hanya mengajari anak supaya begini begitu, namun sebagai orang tua juga harus bisa menjadi teladan yang akan dicontoh oleh anak. Orangtua haruslah menjadi role model bagi anak-anaknya, sehingga disamping mendapatkan pengajaran dan didikan dari orangtua, anak-anak pun bisa melihat secara langsung juga bagaimana orangtua mempraktekkannya.

ü  Paopathon : Tapatuduhon ma holong rohanta tu Debata marhite manghaholongi donganta jolma sian pambahenanta na gabe pujipujian nang hamuilaon di Jahowa. Holong tu Debata (secara vertical – Patik I-IV) holong tu dongan Jolma (secara horizontal patik V-X). Kedua hukum itu mempunyai hubungan erat. Di satu pihak, cinta terhadap sesama harus bersumber pada cinta Ilahi, yakni cinta kepada Allah. Di pihak lain, cinta kepada Allah mengembil bentuknya yang konkret dalam mencintai sesama manusia. Bagaimana mungkin kita bisa mencintai Allah yang tidak kelihatan kalau kita tidak mencintai manusia yang kelihatan. Karena itu, mencintai Allah dan sesama adalah satu dan sama. Itulah hukum yang terutama. Begitu kita hidup dilandasi oleh cinta kasih kepada Allah dan sesama, maka hukum-hukum yang lain akan terpenuhi. Dengan menjadikan cinta kasih satu-satunya hukum, kita menjadikan cinta kasih sebagai norma, kriteria, dan ukuran dalam bertingkah laku. Oleh sebab itu, tingkah laku dan perbuatan kita hendaknya mencerminkan cinta kasih kepada Allah dan sesama. Sai dipargogoi Tuhanta ma hita mangulahon dohot manghangoluhon PatikNa i. Amen.

Jamita Evangelium Minggu XXII D.Trinitatis – 27 Oktober 2024

Guru Dok NI Debata Do Saluhutna       

 (Tuhan Sanggup Melakukan Segala Sesuatu)

Job 42: 1 - 6

 

a)      Huria ni Tuhanta dideba huria, molo manaringoti si Job di ganup jamita, pasti na marhahonaan tu haporsuhon, panaritaan, sidangolon tu haporseaon, hasatiaon, habengeton ni roha. Parngoluon ni si job mangalehon inspirasi di sude halak; boha do asa manahan di haporsuhon. Ia jolma na diportibi on sai adong be do haporsuhonna, adong be do ragam parsorionna. Bahwa manusia tidak lepas dari maribahaya dan masalah-masalah kehidupan. Laos disi do jolma i tertantang untuk tetap bertahan atau menyerah. Molo angka na porsea i sai manahan do sahat di ujungna, ndang humordit ibana, sai mangula do haporseaonna tu Tuhan i laho mangalului dalan asa malua sian hamaolon i. Molo angka sangkap ni jolma jotjot do ndang marnasaut, ndang jadi, alai molo sangkap ni Tuhan  i sai na tupa do luhutna. Ndang adong na boi mangambati sangkap ni Debata, ai Ibana do nampuna portibi on, ai jadijadianna do hita na di portibi on.

b)     Ia turpukta on manaringoti si Job na mangadopi parungkilon bolon. Mago do sude na di ibana i, ima agoan di arta agoan keluarga, nang sahit panahit na songgop tu ibana. Nang pe di parungkilon na boloni ibana sai marsihohot dope ibana manghaposi Debata na marhuaso patupahon nasa na uli basa jala ndang adong na sundat sangkap ni Debata. Dibagasan pos ni roha, nang haporseaonna i, dihatindanghon si Job do i a Debata nampuna hagogooon na so hatudosan, na so marbatas, nang di hamaolon na balga situtu pe ndang tarambatan huasoNa mangatasi i sude.

c)      Lapatan ni panghatindanghonon ni si job on ima haporseaon nang panindangion ni si Job tu huaso, hasongkalon nang habisuhon ni Debata. Nang pe adopanna panaritaan na luar biasa jala ndang diboto ibana sialana ibana manarita, alai sai hot do ibana manghaporsea i Debata nampuna huaso laho patupahon nasa na adong. Disadari si Job do ia sangka ni Debata ndang adong na boi manang aha pe na laho mangambatisa. Ia Debata nampuna parbinotoan na bidang jala tumimbo sian manisia. Panindangion on patuduhon haporseaon  ni si Job na togu ia Debata ima Parhuaso na so hatudosan, na manguluhon saluhut na tinompa i tarmasuk do keadaan ni taalami hamaolon na taadopi suang songi na niadopan ni si Job.

d)     Digurithon si Job do panindangionna taringot tu Debata na so hea gagal ima laho paboahon haporseaonna, panindangion dohot panombaonna tu Debata. Disi ma ihut hamubaon ni sikapna na naung mangadopi hamaolon i nangparsorion ni ngoluna. Dimulana i ragu do si Job di hatigoran dohot habisuhoon ni Debata, alai dung diproses rohana, marsiajar ma ibana laho mananggalhon keraguan dohot kebimbangan huhut pasahat diri hibul tu sangkap nang huaso ni Debata. Marhite na manggurithon panindangionna i, si Job naeng pasahathon tu Debata nang tu angka na manjaha suratna on, ai naung sahat do ibana tu pangantusion na bagas taringot tu Debata dohot na mangokui hasongkalonNa. Panindangionna i marfungsi do i songon tiruan tu halak na asing laho manghaposi dohot manghaporseai Debata di sude partingkian nang pe maol jala gok panaritaan.

e)      Huria ni Tuhanta, Guru Dok Ni Debata Do Saluhutna, (Tuhan Sanggup Melakukan Segala Sesuatu) ima topik di minggunta na paboahon tu hita ia:

Ø  Naparjolo, manghaposi huaso ni Debata. Diajari do hita asa marsihohot jala togu manghaposi huaso ni Debata. Nang pe adopanta ragam ni angka hamaolon ingkon pos do rohanta ai ndang adong na so tarpatupa Debata. Di Ibana do nasa huaso dohot hagogon na mangatasi saluhut di portibi on. Ndang adongna maol di Ibana.

Ø  Napaduahon, haposi ma sangkapNa. Dihatindanghon si Job do, ia ndang adong na sundat saluhut sangkap ni Debata. Marhite on laho mangajari hita asa marnampunahon pos ni orha sihirimon na botubotul di sangkap nang hahomion ni Debata. Boi do ndang antusanta sasude na masa di ngolunta, manang mansai maol tarjalo roha na masa i. Alai pos ma rohanta songon na nidok ni si Jeremia 29: 11 Ai nunga tangkas huboto sangkap angka na husangkapi taringot tu hamu, ninna Jahowa, sangkap hasonangan do tahe ndada tu hamagoan, asa ahu mangalehon tu hamu ujung na hinalungunhonmuna. Ndang patupaonaNa angka na jat, sai angka na uli na denggan do bahen las ni rohanta.

Ø  Napatoluhon, ndang manahan jolma i ala ni hagaleonna. Lapatana ndang na gabe jolma na super hita. Adong do kelemahanta, hagaleonta, keterbatasanta. Jala maol do masuk tu pikiranta na pinamasa ni Debata. Boi do ndang tarjalo roha dohot pikiranta pambahenan ni Debata. Lao sosngon i do si Job diokui ibana do naso tardodo pikiranna do sude na masa parsorion dibagasan ngoluna. Ala ni tama do hita songon si Job na sai unduk marserep ni roha mangokui hagaleonta mangantusi i saluhutna marhite pikiranta. Ai marbatas do parbinotoanta, alai holan pos ni roha dohot haporseon do na mangolu di Debata. Songon Jesus Kristus i sai marpos ni roha do tu Debata Ama i na lehononNa hagogoon tu AnakNa Jesus Kristus laho mangadopi borat ni hau pinarsilang i, pola sahat tu na ingkon agoan hosa. Ima holan laho mangoloi panjouon ni Debata tu AnakNa na Sasada i. Ala ni hamamate ni Jesus i do sangkap na uli na denggan asa malua ganup na porsea di Ibana. Tuhan sanggup melakukan segala sesuatu demi kebaikan kita dan keselamatan kita. Amin.